OCTOBER 6-12

UMCEBO LOSEVINI LANKULUNKULU

Licembu lema-Israyeli liseceleni kwemagede elidolobha futsi lilalele umphristi akhuluma. Lomphristi uphetse umculu. — Licembu lema-Israyeli liyalalelisisa njengobe umphristi achaza uMtsetfo

1. Sikhombisa Njani Kutsi Simhlonipha Ngalokujulile Jehova?

(10 imiz.)

Nasisemihlanganweni, indlela lesilalela ngayo kanye nendlela lesigcoka futsi situlungise ngayo kufanele ikhombise kutsi siyahlonipha (Shu 5:1; w08-ZU 8/15 15-16 ¶17-18)

Nasithantazela linyenti kufanele sikhombise inhlonipho futsi siciniseke kutsi imithantazo yetfu ayibi midze (Shu 5:2; w09-ZU 11/15 11 ¶21)

Siphila ngekuvumelana nesifungo lesasenta nasitinikela kuJehova (Shu 5:4-6; w17.04 6 ¶12)

Bazalwane nabodzadze labaneminyaka leyehlukahlukene baseHholweni leMbuso futsi bayalalelisisa njengobe kuchubeka imihlangano.

2. Kufunisisa Umcebo EVini LaNkulunkulu

(10 imiz.)

Shu 5:8—Lelivesi lingasidvudvuta njani nangabe siphatfwa kabi? (w20.09 31 ¶3-5)

Bhala imphendvulo yakho
Ngumuphi umcebo lowutfole kulokufundvwa kweliBhayibheli kwaleliviki longatsandza kusicocela ngawo?

Bhala imphendvulo yakho

3. Kufundvwa KweliBhayibheli

(4 imiz.) Shu 5:1-17 (th sifundvo 12)

TIMISELE EMSEBENTINI WEKUSHUMAYELA

4. Kucalisa Incociswano

(1 umz.) EMTINI NGEMUTI. Lomuntfu ufuna kuphikisana nawe. (lmd sifundvo 4 liphuzu 5)

5. Kucalisa Incociswano

(2 imiz.) KUSHUMAYELA UNGAKAHLELI. Coca nemuntfu ngalelinye ‘Lemaciniso Lesitsandza Kufundzisa Ngawo’ lakusandzisanchazo A sencwajana letsi Tsandza Bantfu. (lmd sifundvo 1 liphuzu 3)

6. Kubuyela Kulesicoce Naye

(3 imiz.) EMTINI NGEMUTI. Sebentisa i-video lesemaThulusini eKufundzisa, kodvwa ungayidlali. (lmd sifundvo 7 liphuzu 3)

7. Kwenta Bafundzi

(5 imiz.) lff sifundvo 17 setfulo neliphuzu 1-3 (lmd sifundvo 11 liphuzu 3)

KUPHILA KWEMAKHRISTU

8. Uyawasebentisa Yini “Emaciniso Lesitsandza Kufundzisa Ngawo”?

(15 imiz.) Coca nelibandla.

Labashadene labashumayela emtini ngemuti, bafundzela lelinye lijaha umbhalo.

Kusukela yakhululwa, incwajana letsi Tsandza Bantfu—Wente Bafundzi isisite kutsi sitfutfukise indlela lesicoca ngayo nebantfu. Sandzisanchazo A sentelwa kutsi sisisite sikhone kukhuluma ngemaciniso laseBhayibhelini nasisacoca nebantfu. (Heb 4:12) Uyatati yini letihloko letingu-9 letikulencenye letsi “Emaciniso Lesitsandza Kufundzisa Ngawo”?

Nawusacoca nemuntfu, ungakhona njani kukhuluma ngemaciniso laseBhayibhelini ngesikhatsi lesifanele?—lmd sandzisanchazo A

Bhala imphendvulo yakho
Ngutiphi tihloko bantfu basendzaweni yangakini labatsandza kucoca ngato?

Bhala imphendvulo yakho
Yini longayenta kuze wetayelane nemibhalo lekusandzisanchazo A?

Bhala imphendvulo yakho

Nangabe lemibhalo siyisebentisa kakhulu nasisensimini, sitawuhlale siyikhumbula. Kuze sikhone kuyisebentisa, kufanele sicale sikhulume nebantfu.

Dlala i-VIDEO letsi “Insimbi Ilola Insimbi”—Kutfola Bantfu Labanyenti Ensimini Lesikuyo, bese ubuta lombuto:

Yini lengasisita sicoce nebantfu labanyenti ensimini lesikuyo?

Bhala imphendvulo yakho

9. Sifundvo SeliBhayibheli Selibandla

(30 imiz.) lfb sifundvo 24-25