Sebentisa “Sipho [Sakho] Lesivela KuNkulunkulu”

Siyakhutsateka nasicitsa sikhatsi nebazalwane betfu nabodzadze. Kodvwa loku lokusikhutsatako akusiko nje kuphela kutsi sisuke sinabo. LiBhayibheli libita likhono letfu lekucinisa kukholwa kwalomunye nalomunye ngekutsi “sipho lesivela kuNkulunkulu.” (Rom. 1:11, 12) Singasisebenta njani ngalokugcwele lesipho?

Khutsata labanye ngemavi lakhetfwe kahle. Nasi sibonelo, nasiphendvula emihlanganweni yelibandla, asifuni kuniketa timphendvulo letikhuluma kakhulu ngatsi, kodvwa sifuna kukhuluma kakhulu ngaJehova, ngeliVi lakhe nangebantfu bakhe. Nasicoca nebazalwane nabodzadze, singakhetsa kucoca ngetintfo letakhako.

Khutsata labanye ngetincumo takho nangetento takho. Sibonelo nje, labanye bakhetse kuchubeka basemsebentini wasikhatsi sonkhe ngisho kungasimelula kubo kwenta njalo. Labanye bahlale bakhona emihlanganweni yasekhatsi neliviki ngisho nobe banemsebenti lomnyenti nobe banekugula lokungapheli.

Loko lokushoko nalokwentako kuyabakhutsata yini bazalwane bakho nabodzadze? Uyakunaka yini loko labakushoko nalabakwentako kuze bakukhutsate?