Kutamatama Kwemhlaba Lokukhulu ETurkey NaseSyria—Litsini LiBhayibheli?

NgeMsombuluko, mhlaka 6 February 2023, kugadle kutamatama kwemhlaba lokukhulu eTurkey kanye naseSyria.

• “NgeMsombuluko, kutamatama lokukhulu kwemhlaba kubulele bantfu labangetulu kwa-3 700 etindzaweni letisemkhatsini weTurkey kanye nenyakatfo nenshonalanga yeSyria. Loku kwenteke ngesikhatsi kubandza kakhulu, lokwente simo sebantfu labalimele kulokutamatama kwemhlaba, nalababhidlikelwa ngemakhaya abo saba sibi nakakhulu. Lamakhata ente kwabamatima kutsi kutfolakale bantfu labasindzile kulokutamatama kwemhlaba.”—I-Reuters, February 6, 2023.

Siva buhlungu nasiva ngetehlakalo letinjengaleti. Etikhatsini letinjengaleti, indvudvuto siyangiyitfola kuJehova,a longuNkulunkulu “wayo yonkhe indvudvuto.” (2 KubaseKhorinte 1:3) Usidvudvuta ngendvudvuto “lesiyitfola emiBhalweni [kuze] sibe nelitsemba.”—KubaseRoma 15:4.

EBhayibhelini, sifundza kutsi:

• Yini leyaphrofethwa ngekutamamtama kwemhlaba.

• Singayitfola kuphi indvudvuto nelitsemba.

• Nkulunkulu utakucedza njani kuhlupheka.

Kuze utfole lokushiwo liBhayibheli ngaloku, fundza tihloko letitsi:

• “Kutamatama Kwemhlaba Lokukhulu—Yini LiBhayibheli Lelakuphrofetha Ngako?”

• “Where Can I Find Hope?,” lesitfolakala ngesiNgisi.

• “Sekusedvute Kutsi Nkulunkulu Acedze Konkhe Kuhlupheka”