LiBhayibheli Liyincwadzi Lekhuluma Ngekuhlakanipha Kwebantfu Yini?

Lokushiwo liBhayibheli

LiBhayibheli, lelatiwa nangekutsi yiNcwadzi leNgcwele licuketse emavi lamanyenti lahlakaniphile. Nobe kunjalo naka naku liBhayibheli lelikushoko: “Yonkhe imiBhalo iphefumulelwe nguNkulunkulu.” (2 Thimothi 3:16) Kunebufakazi lobunyenti lobusekela lelivesi. Cabanga nganaku lokulandzelako:

• Kute loke waphumelela ekuphikiseni kunemba kwemlandvo weliBhayibheli.

• Babhali beliBhayibheli bekungemadvodza letsembekile labhala tintfo njengoba tinjalo, lokwenta loko lakubhala kwaba liciniso.

• LiBhayibheli linesihloko sinye: kulwelwa kwelilungelo laNkulunkulu lekubusa bantfu kanye nekugcwaliseka kwenjongo yakhe asebentisa uMbuso wasezulwini.

• Nanobe labhalwa eminyakeni leminyenti leyendlulile, liBhayibheli lite emaphutsa kwetesayensi lawo bantfu labanyenti labaye bawemukela etikhatsini letendlulile.

• Bufakazi bemlandvo lobhalwe phansi bufakazela kutsi tiphrofetho teliBhayibheli tigcwalisekile.