Umbono wemuntfu ngekuhlushwa kwebantfu nasebafile

LiBhayibheli Liyakhuluma Yini Ngekuhlushwa Kwebantfu Nasebafile?

Lokushiwo liBhayibheli

Cha, alikhulumi ngako. Kute ligama eBhayibhelini lelikhuluma ngekuhlantwa nasewufile.a Cabanga ngaloko liBhayibheli lelikufundzisako ngesono nangekufa futsi alivumelani nekuhlushwa kwebantfu nasebafile.

Kukholwa engatini yaJesu, hhayi ngekuhlushwa kwebantfu labafile labatsi kubahlanta esonweni. LiBhayibheli litsi “ingati yaJesu iNdvodzana [yaNkulunkulu] iyasihlanta kuto tonkhe tono” futsi “Jesu Khristu . . . wasikhulula etonweni tetfu ngengati yakhe.” (1 Johane 1:7; Sembulo 1:5, New American Bible) Jesu wanikela ‘ngemphefumulo wakhe kutsi ube yinhlawulo yalabanyenti’ kuze abahlawule etonweni tabo.—Matewu 20:28, NAB.
Bantfu labafile abati lutfo. “Labaphilako bayati kutsi batakufa, kodvwa labafile abati lutfo.” (Umshumayeli 9:5, NAB) Umuntfu lofile akeva lutfo, ngako-ke ngeke ahlantwe ngekutsi ahlushwe emlilweni.
Umuntfu akajeziswa nasekafile. LiBhayibheli litsi “umvuzo wesono kufa” futsi “umuntfu lofile ukhululiwe esonweni sakhe.” (Roma 6:7, 23, NAB) Kufa kusijezisa lesiphelele sekona.

Ivelaphi lemfundziso yekuhlushwa kwebantfu nasebafile?

EmaGriki asendvulo abekholelwa kutsi bantfu bayahlushwa nasebafile futsi baba nasesimweni lesibucayi (Limbo). NaClement wase-Alexandria losati sefilosofi lesinguGriki watsi labafile bangahlambululwa etonweni tabo ngekutsi bahlantwe emlilweni. Nanobe kunjalo, nguPapa Gregory Lomkhulu lowagcizelela kutsi kuhlantwa kwebantfu labafile emlilweni akusiyo indzaba yekuphikiswa ngekusho kwe-The History of Christian Doctrines. Letinye tincwadzi titsi Gregory, lowaba ngupapa kusukela nga-590 kuya ku-604 C.E., “uvame kubitwa ngekutsi ‘nguye lowasungula lemfundziso yekuhlushwa kwebantfu nasebafile.’” Lisontfo lemaKatolika lachaza lemfundziso yalo yekuhlushwa kwebantfu nasebafile emhlanganweni wema-Lyons (1274) kanye naseFlorence (1439) futsi layigcizelela e-Council of Trent nga-1547.

a Ikhuluma ngekuhlushwa kwebantfu nasebafile incwadzi letsi: Orpheus: A General History of Religions itsi “kute ligama kumaVangeli lelikhuluma ngekuhlushwa kwebantfu nasebafile.” Ne-New Catholic Encyclopedia itsi: “Kuhlatiya lokwentiwe kuveta kutsi imfundziso yemaKatolika lekhuluma ngekuhlushwa kwebantfu nasebafile ayikasekelwa emiBhalweni lengcwele kodvwa isekelwe emasikweni.”—Second Edition, Volume 11, emakhasi 825.

b Fundza i-New Catholic Encyclopedia, Second Edition, Volume 11, likhasi 824.