Sifundvo 15

Kusita Labanye Bente Intsandvo YaNkulunkulu

Kudzingeke ngani kutsi utjele labanye ngaloko lokufundzako? (1)

Tindzaba letinhle ungatihlephulela bobani? (2)

Kutiphatsa kwakho kungaletsa muphi umphumela kulabanye? (2)

Usuke sewukulungele nini kushumayela nelibandla? (3)

1. Kuze kube ngumanje, sewufundze tintfo letinhle letinyenti eBhayibhelini. Lolwati kufanele lukwente ugcoke buntfu bebuKhristu. (Efesu 4:22-24) Lwati lolunjengalolu ludzingekile kute utfole kuphila lokuphakadze. (Johane 17:3) Nome kunjalo, nalabanye kudzingeka bative tindzaba letinhle, nabo batewusindza. Onkhe emaKhristu eliciniso kufanele abashumayele labanye. Loku kungumyalo waNkulunkulu.—Roma 10:10; 1 Khorinte 9:16; 1 Thimothi 4:16.

2. Tintfo letinhle lotifundzako ungacale utihlephulele bantfu losedvute nabo. Cocela umndeni wakho, bangani, tihlobo, lofundza nabo, nalosebenta nabo. Yiba nemusa nesineke nabo. (2 Thimothi 2:24, 25) Khumbula kutsi bantfu bavamise kunaka kakhulu kutiphatsa kwemuntfu kwendlula loko lakushoko. Nawe, kutiphatsa kwakho lokuhle kungabadvonsa labanye, balalele umlayeto lobaniketa wona.—Matewu 5:16, 1 Phetro 3:1, 2, 16.

3. Ngekuhamba kwesikhatsi, ungahle ukulungele kushumayela nelibandla laboFakazi BaJehova lasemmangweni wakini. Lesi sinyatselo lesibalulekile entfutfukweni yakho. (Matewu 24:14) Cabanga ngenjabulo lewungaba nayo nawungasita lotsite abe yinceku yaNkulunkulu futsi atfole kuphila lokuphakadze!—1 Thesalonika 2:19, 20.