INCENYE 6

Yini Lesiyifundzako KuZamcolo Lomkhulu?

Nkulunkulu wababhubhisa bantfu lababi, kodvwa wasindzisa Nowa nemndeni wakhe. Genesisi 7:11, 12, 23

Umkhumbi uyandanda, bantfu lababi bayacwila, futsi tingilosi letimbi tishiya imitimba yato yenyama

Layitsela emalanga langu-40 kanye nebusuku lobungu-40, futsi emanti ambonya wonkhe umhlaba. Bonkhe bantfu lababi bafa.

Letingilosi letitihlubuki tashiya imitimba yato yenyama taba ngemadimoni.

Nowa, umndeni wakhe, kanye netilwane baphuma emkhunjini futsi kwabonakala umushi wenkosazana esibhakabhakeni

Labo lebebasemkhunjini basindza. Nanobe Nowa nemndeni wakhe bagcina sebafile, Nkulunkulu utawubavusa sebanelitsemba lekuphila phakadze.

Nkulunkulu utawuphindze abhubhise bantfu lababi futsi asindzise labo labalungile. Matewu 24:37-39

Sathane nemadimoni akhe basebentisa tindlela letinyenti kute badukise bantfu

Sathane kanye nemadimoni bayachubeka nekudukisa bantfu.

Njengasesikhatsini saNowa, lamuhla bantfu labanyenti bayasala sicondziso saJehova selutsandvo. Ngekushesha nje, Jehova utawubabhubhisa bonkhe bantfu lababi.—2 Phetro 2:5, 6.

BoFakazi BaJehova basebentisa liBhayibheli kute bashumayele lenye indvodza; indvodza ifundza liBhayibheli

Labanye bantfu bafanana naNowa. Balalela Nkulunkulu futsi bente loko lakushoko; labo bantfu boFakazi BaJehova..