LIBHOKISI LEKUFUNDZISA 20A

Kwehlukaniswa Kwelive

Inchazelo lecondzile yemincele lekaliwe yacinisekisa labantfu labatfunjiwe ngekutsi live labo labalitsandzako belitawubuyiselwa nakanjani. Ngutiphi tifundvo lesititfola kulombono lamuhla? Cabanga nganati tintfo letimbili letikulombono:

Libalave lelikhombisa imincele yelive lebelitawabelwa bantfu lababuya ekutfunjweni, njengobe kubhalwe kuHezekeli. Tive titfola lifa lelilinganako kusukela enyakatfo kuya eningizimu kucala ngesive sakaDani, saka-Asheri, sakaNaftali, sakaManase, saka-Efrayimu, sakaRubeni, Juda, Indzawo Lengumnikelo (baholi labahleleke kahle), sakaBhenjamini, sakaSimeyoni, saka-Isakhari, sakaZebuloni, nesakaGadi.

Indzawo levikelekile nemsebenti loligugu

Ngamunye walabo bebabuye ekutfunjweni bekatawuba nelifa kuleLive Lesetsembiso leselibuyiselwe. Ngendlela lefanako lamuhla, lipharadisi laNkulunkulu linendzawo yato tonkhe tinceku taJehova. Ngisho nobe senta umsebenti lophasi kanganani kulenhlangano, kepha sinendzawo levikelekile nemsebenti loligugu kulelipharadisi laNkulunkulu. Tonkhe tinceku taJehova tiligugu ngendlela lefanako kuye.

Kwehlukaniswa Kwelive Ngendlela Lelinganako

Kulombono waHezekeli, indzawo ngayinye kuleLive Lesetsembiso lelibuyiselwe beyikhicitela lebebahlala kuyo ngendlela lelinganako. Ngendlela lefanako lamuhla, Jehova unikete tonkhe tinceku takhe tibusiso letifanako kulelipharadisi lakhe.

Buyela esehlukweni 20 tigaba 5-11