Libhokisi Lembuto

◼ Kufanele yini kutsi dzadze ambonye inhloko nakachuba sifundvo basemnyango ahamba nemzalwane?

Nangabe dzadze achuba sifundvo seliBhayibheli lesichubeka njalo kantsi uhamba nemzalwane, kufanele ambonye inhloko. (1 Khor. 11:​3-10) Sicongosekulindza sa-July 15, 2002, likhasi 27 ngesiZulu, sitsi: “Lesi isimiso esihlelwe kusengaphambili sokufundisa, lapho lo oqhuba isifundo engamela ngokoqobo. Kulezi zimo, isifundo sifana nesebandla. Uma owesifazane onguFakazi obhapathiziwe eqhuba isifundo esinjalo kukhona uFakazi wesilisa obhapathiziwe, kuyafaneleka ukuba athwale.” Loku kufanele kwenteke ngisho noma ngabe sifundvo sichutjelwa ekhaya, emnyango nobe kuletinye tindzawo.

Kantsi lokunye, nangabe sifundvo seliBhayibheli lesichutjelwa emnyango sisengakacaliswa, asikho sidzingo sekutsi dzadze ambonye inhloko nakahamba nemzalwane ngisho nome lodzadze abuyela kulacoce naye kute ayomkhombisa kutsi sichutjwa kanjani sifundvo seliBhayibheli nome nabatawucoca ngalokutsite basebentisa lenye yetincwadzi tekuchuba sifundvo. Ngenca yekutsi tifundvo letichutjwa usemnyango tivame kucaliswa ngekubuyela tikhatsi letinyentana, bamemeteli kutawudzingeka bacabangele timo futsi bancume kahle kutsi kunini lapho bodzadze kufanele bembonye khona inhloko.