Kutfutfukisa Emakhono Etfu Emsebentini Wekushumayela—Kufakaza Usebentisa I-Camera Nobe I-Intercom

KUBALULEKE NGANI?: Kutfutfuka kutebuchwephesha kanye nekwandza kwebugebengu kwente kutsi ema-camera nema-intercom kusetjentiswe kakhulu emitini yebantfu. Singahle sitive sesaba kushumayela tindzaba letimnandzi kumuntfu lesingamboni kepha yena abe asibona. Letindlela letilandzelako tingasisita kutsi sishumayele ngesibindzi nasisebentisa i-camera nobe i-intercom.

INDLELA YEKUKWENTA:

• Bani nesimo sengcondvo lesihle. Banikati bemakhaya labanyenti labanema-camera nobe ema-intercom emitini yabo, bayafisa kucoca natsi

• Khumbula kutsi ema-camera lamanyenti acala kurekhoda ngaphambi kwekutsi uchafate i-bell, futsi loku kungenta kutsi umnikati welikhaya akubone futsi akuve ngekushesha nje nawungena emtini wakhe

• Nangabe umnikati welikhaya aphendvula, khuluma kule-camera nobe kule-intercom kube shengatsi uyambona. Moyitela uphindze wente tintfo ngendlela levamile. Khuluma tintfo lebewuhlele kutisho kube lomuntfu bekavele emnyango. Nangabe kune-camera, ungabusondzeti kakhulu buso bakho kuyo. Nangabe umnikati welikhaya angaphendvuli, ungawushiyi umlayeto

• Nasenicedzile kukhuluma, khumbula kutsi umnikati welikhaya utawuchubeka akubona futsi akuva kutsi utsini