Ngenca Nje Yekumamatseka!

Helen uyamamatseka njengobe ame eceleni kwencola yekukhangisa tincwadzi. Bosisi lababili bengca eceleni kwayo.

BOSISI lababili bebahamba ndzawonye edolobheni iBaguio ePhilippines. Babona incola lekhangisa ngetincwadzi tetfu kodvwa abazange baye kuyo. Dzadze lobekeme eceleni kwalencola lokutsiwa nguHelen, wavele wamamatseka nakababona. Labosisi bachubeka neluhambo lwabo kodvwa bayikhumbula indlela Helen lebekamamatseke ngayo nakababona.

Batsi nasebaya ekhaya ngebhasi, babona luphawu lolukhulu lolutsi jw.org eHholweni LeMbuso. Bakhumbula kutsi lamagama ngulawa labawabona kulencola yekufakaza. Bobabili behla ebhasini futsi baya kuleliHholwa LeMbuso. Egedeni babona tikhatsi temihlangano yelibandla.

Labosisi lababili bayamamatseka njengobe babona Helen eHholweni leMbuso.

Labosisi lababili baba khona emhlanganweni welibandla lolandzelako. Bamangala kakhulu nabatsi bayengena eHholweni LeMbuso babona Helen! Bavele babona kutsi nguye lona lebebambone amamatseka kulencola. Helen utsi: “Nabeta kimi, ngetfuka kancane. Bengicabanga kutsi mhlawumbe kukhona lebengingakakwenti kahle.” Kodvwa labosisi bamchazela kutsi bebake bambona encoleni.

Labosisi bayijabulela imihlangano futsi bativa bakhululekile kucoca nebazalwane nabodzadze. Nababona labanye bahlanta lihholwa ngemuva kwemihlangano, babuta kutsi bangasita yini. Munye walabosisi akasahlali ePhilippines kodvwa lona lomunye sewuba khona emihlanganweni yelibandla futsi sewucale nekudadisha liBhayibheli. Konkhe loku kwenteka ngenca nje yekumamatseka!