Sebentisa LiBhayibheli Njengesibuko

Umfundzi Jakobe wafananisa liBhayibheli nesibuko lesenta sibone kutsi sibantfu labanjani ngekhatsi. (Jak. 1:22-25) Singalisebentisa njani kahle liBhayibheli njengesibuko?

Naka nawufundza. Nasimane nje sengcisa emehlo nasitibuka esibukweni, singahle singaboni lakufanele silungise khona. Ngendlela lefanako, nangabe silifundza sijakile liBhayibheli, ngeke sibone lakufanele silungise khona. Kuze sibone, kufanele sinake nasifundza liVi laNkulunkulu.

Tinake kakhulu wena kunekunaka labanye. Nangabe sibuko sitjekisiwe singahle sivete lomunye umuntfu futsi sibone lapho kufanele alungise khona. Ngendlela lefanako, singahle sisebentise liBhayibheli kuze sibone emaphutsa alomunye. Kodvwa loko ngeke kusisite kutsi silungise emaphutsa etfu.

Linganisela. Nasinaka kakhulu tintfo lokufanele sitilungise nasitibuka esibukweni, singahle siphelelwe ngemandla. Kufanele silinganisele nasifundza liVi laNkulunkulu, singalindzeli lokukhulu kwendlula loko Jehova lakulindzele kitsi.​—Jak. 3:17.