Loko UMbuso WaNkulunkulu Lotakwenta Ngekungcoliswa Kwemvelo

“Kushintjashintja kwesimo selitulu kubangele bantfu kutsi bacindzeteleke kakhulu, kwabangela netinkinga emadolobheni lamakhulu kanye nakuto tonkhe tintfo letiphilako. Tiphepho letinemandla letibangelwa ngulokushintjashintja kwesimo selitulu tibhidlite imiti yebantfu futsi tabenta bangasakhoni kwenta imisebenti yekutiphilisa. Lwandle luya ngekuya lushisa, futsi loku kwenta tintfo letiphila kulo tibe sengotini [yekufa].”​—Inger Andersen, longephansi kwelisekela lamengameli waMhlabuhlangene, lophindze abe ngumcondzisi jikelele we-UN Environment Programme, July 25, 2023

Bohulumende batawukhona yini kusebentisana kuze bacatulule letinkinga letikhungetse umhlaba wonkhe? Batawukhona yini kuletsa sisombululo lesitawuhlala sikhatsi lesidze?

LiBhayibheli likhuluma ngahulumende longakhona kucatulula tinkinga tekungcoliswa kwemhlaba, futsi loko utakwenta. Litsi “Nkulunkulu welizulu utawubeka umbuso,” lokunguhulumende lotawubusa uphindze ucatulule tonkhe tinkinga letisemhlabeni. (Danyela 2:44) Nasekubusa lohulumende, bantfu ‘angeke balimate lutfo futsi angeke babangele umonakalo’ kulabanye bantfu nobe etikwemhlaba.​—Isaya 11:9.