Bosopolitiki Labangaketsembeki​—Loko UMbuso WaNkulunkulu Lotakwenta

Bantfu sebadziniwe bosopolitiki labangaketsembeki, ngako bafuna baholi labangabetsemba. Luhlolo lolwentiwe emhlabeni wonkhe lolushicilelwe nga-2023 luveta kutsi baholi bemave babantfu labangaketsembeki emhlabeni.a

LiBhayibheli lisitjela ngahulumende lonemholi longakakhohlakali futsi lesingametsemba ngalokuphelele. Lohulumende nguMbuso waNkulunkulu, futsi uMholi wawo nguJesu Khristu.​—Isaya 9:7.

Jesu unemlandvo wekubakhatsalela mbamba bantfu. (Matewu 9:35, 36) Njengobe ayiNkhosi yeMbuso waNkulunkulu, utawuletsa kulunga nekuthula kubo bonkhe labemukela kubuswa nguye.​—Tihlabelelo 72:12-14.