Longakwenta Kuze Uhlale Ujabulile Kuletikhatsi Letimatima​—Litsini LiBhayibheli?

Kuletikhatsi letimatima lesiphila kuto asikhoni kulawula loko lokwenteka ekuphileni kwetfu. Nobe kunjalo, kujabula kwetfu akuyi ngetimo lesibhekene nato kunaloko kuya ngesimo sengcondvo lesinaso. LiBhayibheli litsi, “loyo lonenhlitiyo lejabulako uhlale ajabulile onkhe malanga,” ngisho nobe abhekene netinkinga. (Taga 15:15) Yini lesingayenta kuze sijabule kakhudlwana? Cabanga ngendlela seluleko seliBhayibheli lesingakusita ngayo.

Lwisana nekukhatsateka

LiBhayibheli litsi: “Kukhatsateka kuyayicindzetela inhlitiyo yemuntfu, kodvwa emavi lamnandzi ayayijabulisa.”​—Taga 12:25.

• LiBhayibheli lingakusita ukhone kulwisana nekukhatsateka. Kuze utfole kutsi ungakwenta njani loko, fundza sihloko lesitsi “Umbono WeBhayibheli​—Ukukhathazeka.” Lesitfolakala ngesiZulu

Lwisana nesitunge

LiBhayibheli litsi: “Umngani sibili ukutsandza ngaso sonkhe sikhatsi futsi ungumnakenu longetsembela kuye ngesikhatsi sekuhlupheka.”​—Taga 17:17.

• LiBhayibheli lineteluleko letingakusita ulwisane nesitunge ngekutsi ucinise bungani lonabo nalabanye. Fundza sihloko lesitsi “Ncoba Situnge Ngekwakha Bangani​—Indlela LiBhayibheli Lelingasita Ngayo.”

Tsandza Nkulunkulu kanye namakhelwane

LiBhayibheli litsi: “Kufanele utsandze Jehova Nkulunkulu wakho ngayo yonkhe inhlitiyo yakho, nangawo wonkhe umphefumulo wakho, nangayo yonkhe ingcondvo yakho.  . . Kufanele utsandze makhelwane wakho njengobe utitsandza wena.”a​—Matewu 22:37-39.

• Umthantazo ungasisita kutsi sikhulise indlela lesimtsandza ngayo Nkulunkulu. Kuze utfole lokunyenti, fundza sihloko lesitsi “Nkulunkulu Uyayiva Yini Imithantazo Yetfu?”

• Sikhombisa kutsi siyabatsandza labanye ngekutsi sisebentise UMtsetfo Weligolide. Tfola lokunyenti kulesihloko lesitsi “Uyini UMtsetfo Weligolide?”

Kungaba njani ufundze lokunyenti ngendlela liBhayibheli lelingakusita ngayo kutsi uhlale ujabulile kuletikhatsi letimatima? Sikumema kutsi udadishe natsi liBhayibheli mahhala.