BoFakazi BaJehova BangemaKhristu Yini?

Yebo. SingemaKhristu nganati tizatfu letilandzelako:

• Setama kulandzela timfundziso nendlela Jesu latiphatsa ngayo.—1 Phetro 2:21.

• Sikholelwa kutsi Jesu uyindlela yekusindziswa ngobe “kute kusindziswa ngalomunye; ngobe kute lelinye libito ngaphansi kwelizulu lelinikwe nguNkulunkulu kubantfu, lesingasindziswa ngalo.”—Imisebenti 4:12.

• Bantfu nababa boFakazi BaJehova babhajatiswa egameni laJesu.—Matewu 28:18, 19.

• Sithandaza kuNkulunkulu ngeligama laJesu.—Johane 15:16.

• Siyakholelwa kutsi Jesu uyiNhloko yemadvodza.—1 Khorinte 11:3.

Nobe kunjalo, sehluke ngetindlela letinyenti kuletinye tinkholo letitsi tebuKhristu. Lenye yato kukholelwa kwetfu kutsi liBhayibheli lifundzisa kutsi Jesu uyindvodzana yaNkulunkulu, hhayi mtsatfu amunye. (Makho 12:29) Asikholelwa kutsi umphefumulo awufi, nekutsi kunemBhalo lotsi Nkulunkulu ujezisa bantfu esihogweni. Asikukholelwa nekutsi bantfu lababaholi etinkholweni kufanele babe neticu letibenta babe bakhulu kunalabanye.—Umshumayeli 9:5; Hezekeli 18:4; Matewu 23:8-10.