BoFakazi BaJehova Bayatibeketelela Yini Letinye Tinkholo?

Silalela seluleko seliBhayibheli lesitsi “hloniphani bonkhe bantfu” ngisho nome ngabe bakuyiphi inkholo. (1 Phetro 2:17) Sibonelo saloko kutsi, kulamanye emave kunemakhulu etinkhulungwane taboFakazi BaJehova. Nome kunjalo, asetami kuphocelela betembusave nobe tishaya mtsetfo kutsi bangakuvumeli lokwentiwa nguletinye tinkholo. Asikukhankaseli kuphasiswa kwemitsetfo lokungaphocelela kutsi bantfu batiphatse ngendlela lesifuna ngayo baphindze bakholelwe ngulesikukholelwako. Esikhundleni saloko, siphatsa labanye ngendlela lesingatsandza kutsi basiphatse ngayo.—Matewu 7:12.