Yini Letawufezwa NguMbuso WaNkulunkulu?

Lokushiwo liBhayibheli

UMbuso waNkulunkulu utawutsatsa sikhundla sabo bonkhe bohulumende bebantfu futsi ubuse umhlaba wonkhe. (Danyela 2:44; Sembulo 16:14) Nasekwentekile loko, uMbuso waNkulunkulu . . .

• Utawususa bantfu lababi, labasibangela kuhlupheka ngenca yekuticabangela bona bodvwana. “Lababi batawucedvwa emhlabeni.”​—Taga 2:22.

• Utawucedza tonkhe timphi. “[Nkulunkulu] ucedza timphi emhlabeni wonkhe.”​—Tihlabelelo 46:9.

• Utawenta bonkhe bantfu baphumelele futsi baphile ngekulondzeka emhlabeni. “Nguloyo naloyo utawuhlala ngephansi kwesihlahla sakhe semagilebisi nangephansi kwesihlahla sakhe semakhiwa, futsi kute lotabesabisa.”​—Mikha 4:4.

• Utawenta lomhlaba ube lipharadisi. “Lihlane nelive lelihamukile kuyawujabula, lugwadvule luyawujabula luchakaze timbali.”​—Isaya 35:1, LiBhayibheli LesiSwati Lelivamile.

• Utawenta bonkhe bantfu babe nemsebenti lojabulisako. “Umsebenti wetandla tebantfu bami lengibakhetsile uyawubajabulisa kakhulu. Angeke basebentele lite.”​—Isaya 65:21-23.

• Utawucedza tifo. “Kute lohlala khona loyawutsi: ‘Ngiyagula.’”​—Isaya 33:24.

• Utasikhulula ekugugeni. “Umtimba wakhe awube musha kunewemntfwana; akabuyele abe nemandla njengalapho asemusha.”​—Jobe 33:25.

• Utawuvusa labafile. “Bonkhe labasemathuneni batawuliva livi layo futsi baphume.”​—Johane 5:28, 29.