Setfulo SeliVi LaNkulunkulu

LiBhayibheli licuketse umlayeto lovela kuNkulunkulu nome emavi labhalelwe tsine lamuhla. Lisikhombisa indlela lesingaphila ngayo kuze siphumelele, kanye nendlela yekutfola kwemukelwa nguNkulunkulu. Liphindze liphendvule lemibuto lelandzelako:

1 Ungubani Nkulunkulu?
2 Ungafundza njani ngaNkulunkulu?
3 Ngubani lowabhala liBhayibheli?
4 Lineliciniso yini liBhayibheli nalikhuluma ngesayensi?
5 Uyini umlayeto weliBhayibheli?
6 Yini liBhayibheli lelakuphrofetha ngaMesiya?
7 Yini liBhayibheli lelayiphrofetha ngemalanga etfu?
8 Kufanele sisole Nkulunkulu yini ngekuhlupheka kwebantfu?
9 Kungani bantfu bahlupheka?
10 LiBhayibheli lisetsembisani ngelikusasa?
11 Kwentekani kumuntfu nakafa?
12 Nguliphi litsemba lesingaba nalo ngalabafile?
13 Litsini liBhayibheli ngemsebenti?
14 Ungatisebentisa njani tintfo lonato?
15 Ungayitfola njani injabulo?
16 Ungakubeketelela njani kukhatsateka?
17 LiBhayibheli lingawusita njani umndeni wakho?
18 Ungasondzela njani kuNkulunkulu?
19 Yini letfolakala etincwadzini teliBhayibheli letehlukahlukene?
20 Ungazuza njani ekufundzeni kwakho liBhayibheli?

INDLELA YEKUTFOLA EMAVESI ELIBHAYIBHELI

LiBhayibheli lakhiwa tincwadzi letincane letingu-66. Lihlukene laba tincenye letimbili: ImiBhalo YesiHebheru neYesi-Aramu (“LiThestamente Lelidzala”) kanye nemiBhalo YesiGriki (“LiThestamente Lelisha”). Incwadzi ngayinye yeliBhayibheli yehlukane yaba tehluko kanye nemavesi. Nakucashunwa umbhalo, inombolo yekucala ngemuva kweligama lencwadzi isho sehluko, kantsi inombolo nobe tinombolo letilandzelako tisho livesi nobe emavesi. Sibonelo saloko, Genesisi 1:1 usho kutsi Genesisi sehluko 1, livesi 1.