Kucolela

Tindzaba letiseBhayibhelini letingakusita:

• Hl 78:40, 41; 106:36-46​—Jehova ucolela bantfu bakhe labangalaleli tikhatsi letinyenti, nanobe tono tabo timvisa buhlungu kakhulu

• Luk 15:11-32​—Jesu uchaza indlela Jehova lacolela ngayo ngekutsi asho umfanekiso wababe lonemusa nendlela laphatsa ngayo indvodzana yakhe lengalaleli kodvwa leseyiphendvukile

Tindzaba letiseBhayibhelini letingakusita:

• Heb 9:22-28​—Umphostoli Pawula uchaza kutsi Jehova angasicolela tono tetfu ngobe Jesu wanikela ngekuphila kwakhe ngenca yetfu

• Sem 7:9, 10, 14, 15​—Embonweni, uphostoli Johane ubona “sicumbi lesikhulu” lesime embikwaNkulunkulu ngenca yengati yaKhristu

Tindzaba letiseBhayibhelini letingakusita:

• Job 42:7-10​—Ngaphambi kwekutsi Jehova asuse kuhlupheka kwaJobe nekugula kwakhe futsi amente aphindze aphumelele, bekalindzele kutsi acale athantazele bangani bakhe labatsatfu lebebakhulume kabi ngaye

• Mat 18:21-35​—Jesu usho umfanekiso kuze akhombise kutsi kufanele sicolele labanye nangabe sifuna Jehova asicolele natsi

Tindzaba letiseBhayibhelini letingakusita:

• Hl 32:1-5; 51:1, 2, 16, 17​—INkhosi Davide iva buhlungu kakhulu futsi yephuke inhlitiyo ngenca yetono tayo letinkhulu, futsi iphendvuka ngalokusuka enhlitiyweni

• Jak 5:14-16​—Jakobe uyachaza kutsi nangabe sente sono lesikhulu kufanele siye kulabadzala belibandla

Tindzaba letiseBhayibhelini letingakusita:

• 1Ks 21:27-29; 2Tk 18:18-22, 33, 34; 19:1, 2​—Ngesikhatsi iNkhosi Ahabi yehlulelwa, iyatitfoba futsi Jehova uyikhombisa umusa ngelizinga lelitsite; nobe kunjalo ayikhombisi kutsi iphendvuke mbamba ngako Jehova uyitsatsa njengendvodza lembi futsi ubangela kutsi ibulawe

• 2Tk 33:1-16​—INkhosi Manase yimbi kakhulu; nobe kunjalo Jehova uyayicolela nayiphendvuka. Manase ukhombisa kutsi ushintje mbamba ngekutsi asuse kukhonta tithico futsi ukhutsata kukhonta lokuhlantekile

Tindzaba letiseBhayibhelini letingakusita:

• 2Sa 12:13; 24:1; 1Ks 9:4, 5​—Nanobe Davide ente tono letinkhulu kakhulu, Jehova uyayicolela lenkhosi lephendvukile futsi ngekuhamba kwesikhatsi uyibita ngekutsi yindvodza lecotfo

Tindzaba letiseBhayibhelini letingakusita:

• Mat 26:36, 40, 41​—Bangani baJesu labakhulu bayalala ngesikhatsi labadzinga ngaso kakhulu; nobe kunjalo ngemusa uyavuma kutsi babutsakatsaka

• Mat 26:69-75; Luk 24:33, 34; Imi 2:37-41​—Phetro uphika Jesu tikhatsi letintsatfu, kodvwa Khristu uyamcolela lomphostoli lophendvukile; Jesu ubonakala kuPhetro ngemuva kwekuvuswa kakhe futsi umnika imisebenti lekhetsekile ebandleni

Tindzaba letiseBhayibhelini letingakusita:

• Mat 23:29-33​—Jesu wecwayisa tati temtsetfo nebaFarisi kutsi batawubhujiswa eGehena, lokusho kubhujiswa ngalokuphelele

• Joh 17:12; Mak 14:21​—Jesu ubita Judasi Skariyothe ngekutsi ‘yindvodzana yekubhujiswa’ futsi utsi lendvodza lengaketsembeki bekutawuba ncono kakhulu kube ayitalwangwa