Kubuketwa Kwesikolwa Semsebenti WemaKhristu
Lemibuto lelandzelako itawudzingidvwa eSikolweni Semsebenti WemaKhristu ngeliviki lelicala ngaJune 29, 2015. Lusuku lokutawudzingidvwa ngalo liphuzu ngalinye nalo lufakiwe kuze ucwaninge nawulungiselela sikolwa seliviki ngalinye.
Yayiyimbi ngani indlela Mikhali lakhuluma ngayo naDavide, futsi ngusiphi sifundvo bantfu labashadene lokufanele basifundze kuloku? (2 Sam. 6:20-23) [May 11, w11 8/1 likh. 12 sig. 1]
Wenta njani Nathani ngesikhatsi Jehova alungisa umbono longasiwo labewutjele Davide wekutsi achubeke nekwakha lithempeli laJehova? (2 Sam. 7:2, 3) [May 11, w12 2/15 likh. 24 tig. 6-7]
Wentiwa yini Nathani kutsi akhulume naDavide asebentisa umfanekiso, njengobe utfolakala embhalweni wa-2 Samuweli 12:1-7 kunekutsi avele amtjele ngalokucondzile kutsi bekente sono lesikhulu? Lendzaba ingasisita njani kutsi sibe bafundzisi labancono? [May 18, w12 2/15 likh. 24 tig. 2-3]
Yini leyenta kutsi Absalomu akhone kudukisa ema-Israyeli, futsi tsine singativikela njani “kubo-Absalomu” balamuhla? (2 Sam. 15:6) [May 25, w12 7/15 likh. 13 sig. 7]
Jehova wamnakekela njani Davide ngesikhatsi labedzinge ngaso kakhulu, futsi yini lesingayifundza kuloko? (2 Sam. 17:27-29) [June 1, w08-ZU 9/15 likh. 6 tig. 15-16]
Yini lesingayifundza esibonelweni saDavide endleleni laphatsa ngayo Ithayi lobekangasuye umIsrayeli? (2 Sam. 18:2) [June 1, w09-ZU 5/15 likh. 27 sig. 7]
Labo labakhulile ebandleni bangazuza njani esibonelweni saBhazilayi? (2 Sam. 19:33-35) [June 8, w07-ZU 7/15 likh. 15 tig. 1-2]
Emavi aDavide lamayelana nekwetsembeka aticinisekisa njani tinceku taJehova lamuhla? (2 Sam. 22:26) [June 15, w10-ZU 6/1 likh. 26 tig. 6-7]
Nathani wakukhombisa njani kwetsembeka kuNkulunkulu, futsi tsine singamlingisa njani lamuhla? (1 Khos. 1:11-14) [June 22, w12 2/15 likh. 25 tig. 1, 4-5]
Kukutiphi timo ekuphileni lapho inceku yaNkulunkulu ingase itikhohlise, kuze yephule umtsetfo waNkulunkulu, njengobe kwenta Solomoni? (1 Khos. 3:1) [June 29, w11 12/15 likh. 10 tig. 12-14]