Jobo

35 Elihu a tsoela pele ho araba ’me a re:

 2 “Na see ke seo u se nkileng e le toka?

U itse, ‘Ho loka ha ka ho feta ha Molimo.’+

 3 Etsoe u re, ‘Ho na le thuso efe ho uena?+

Ke fumana molemo ofe ho feta ha ke etsa sebe?’+

 4 Ke tla u araba

Ke arabe le metsoalle+ ea hao e nang le uena.

 5 Talima leholimong+ u bone,

U bone maru,+ hore a u phahametse.

 6 Haeba u etsa sebe, u finyella eng khahlanong le eena?+

Haeba bofetoheli ba hao bo eketseha, u mo etsetsa eng?

 7 Haeba ka sebele u nepile, u mo fa eng,

Kapa o amohela eng letsohong la hao?+

 8 Bokhopo ba hao bo ka ’na ba e-ba khahlanong le motho ea joaloka uena,+

Ho loka ha hao ha e-ba ho mora oa motho oa lefatše.+

 9 Ba ntse ba hoeletsa ho kōpa thuso ka lebaka la likhatello tse ngata;+

Ba ntse ba hoeletsa ho kōpa thuso ka lebaka la matsoho a ba baholo.+

10 Leha ho le joalo ha ho ea itseng, ‘Molimo Moetsi oa ka e Moholo+ o hokae,

Ea fanang ka lipina tsa thoriso bosiu?’+

11 Ke eena Ea re rutang+ ho feta liphoofolo tsa lefatše,+

O re hlalefisa ho feta libōpuoa tse fofang tsa maholimo.

12 Ba ntse ba hoeletsa moo, empa ha a arabe,+

Ka lebaka la boikakaso+ ba ba babe.

13 Ke leshano feela leo Molimo a sa le utloeng,+

Ea Matla ’Ohle ha a le talime.+

14 Joale, ho joalo hakaakang ha u re ha u mo bone!+

Nyeoe e ka pel’a hae, kahoo u lokela ho mo letela ka tabatabelo.+

15 Joale kahobane bohale ba hae ha boa batla boikarabello,+

O boetse ha aa ela hloko lepotlapotla le feteletseng.+

16 Jobo o ahlamisetsa molomo oa hae lefeela;

O atisa mantsoe ntle ho tsebo.”+