11 Eaba Abrahama o re: “Ke kahobane ke ipoleletse ho re, ‘Ntle ho pelaelo ha ho tšajoe Molimo sebakeng sena,+ ’me ka sebele ba tla mpolaea ka lebaka la mosali oa ka.’+

12 Eaba le tsoela pele ho re: “U se ke ua isa letsoho la hao ho moshanyana ’me u se ke ua mo etsa letho ho hang,+ etsoe joale kea tseba hore u tšaba Molimo kahobane ha ua nkhanela ka mora oa hao, ea mong feela.”+

43 U se ke ua mo hatakela ka bompoli,+ ’me u tšabe Molimo oa hao.+

24 Le mpe le tšabe+ Jehova, ’me le mo sebeletse ka ’nete ka lipelo tsohle tsa lōna;+ etsoe bonang hore na o le etselitse lintho tse khōlō hakaakang.+

9 Ka tsoela pele ho re: “Ntho eo le e etsang ha e ntle.+ Na ha lea lokela ho tsamaea tšabong+ ea Molimo oa rōna+ ka lebaka la nyeliso+ ea lichaba, lira tsa rōna?+

7 Ho tšaba Jehova ke tšimoloho ea tsebo.+ Maoatla a nyelisitse bohlale le taeo.+

13 Ho tšaba Jehova ho bolela ho hloea bobe.+ Ke hloile boiphahamiso le boikakaso+ le tsela e mpe le molomo o khelohileng.+

31 Joale, phutheho+ ho pholletsa le Judea le Galilea le Samaria kaofela ea kena nakong ea khotso, e ntse e hahoa; ha e ntse e tsamaea tšabong ea Jehova+ le matšelisong a moea o halalelang+ ea ’na ea tsoela pele ho ata.