9 Ha le kotula lijalo tšimong ea lona, le se ke la kotula moeli oa tšimo ea lona ka ho feletseng ’me ha lea lokela ho thonaka se setseng.*+

19 Ha u kotula tšimong ea hao ’me u lebetse ngata tšimong, u se ke oa khutla ho ea e nka. E lokela ho salla molichaba, khutsana le mohlolohali+ e le hore Jehova Molimo oa hao a ka u hlohonolofatsa linthong tsohle tseo u li etsang.+

2 Ruthe oa Momoabe a re ho Naomi: “Ke kopa ho ea masimong ke e’o thonaka harese+ e setseng ka mor’a mang kapa mang ea tla nkhauhela.” Kahoo, Naomi a re ho eena: “Tsamaea morali oa ka.” 3 A tsamaea ’me a iphumana a le tšimong ea Boase,+ eo e neng e le oa lelapa la habo Elimeleke.+ Eaba o qala ho thonaka harese ka mor’a bakotuli tšimong.