19 Ke feela basali ba lona, bana ba lona le mehlape ea lona (ke tseba hantle hore le na le mehlape e mengata) ba tlang ho tsoela pele ba lula metseng eo ke le fileng eona 20 ho fihlela Jehova a fa bana ba bo lona phomolo joalokaha a le file ’me le bona ba nkile naha eo Jehova Molimo oa lona a tla ba fa eona ka nģ’ane ho Jordane. Ka mor’a moo, e mong le e mong o tla khutlela lefeng la hae leo ke le fileng lona.’+

14 Basali, bana le liphoofolo tsa lona li tla lula naheng eo Moshe a le fileng eona ka lehlakoreng lena* la Jordane.+ Empa lona banna bohle ba matla+ le lokela ho tšela le hlophisehile joaloka lebotho la ntoa ka pel’a bana ba bo lona.+ Le thuse bana ba bo lona 15 ho fihlela Jehova a etsa hore ba lule ba sireletsehile joaloka lona, ho fihlela le bona ba fumane naha eo Jehova Molimo oa lona a ba fang eona. Ka mor’a moo, le tla khutlela naheng eo le e fuoeng e leng naha eo Moshe mohlanka oa Jehova a le fileng eona ka lehlakoreng le ka bochabela la Jordane.’”+

8 Barubene le Bagade hammoho le halofo e ’ngoe ea leloko la Manase, ba ile ba nka lefa la bona leo Moshe a ileng a ba fa lona ka lehlakoreng le ka bochabela la Jordane feela joalokaha Moshe mohlanka oa Jehova a ba file lona:+