7 A nka buka ea selekane,* a e balla sechaba.+ Eaba se re: “Sohle seo Jehova a se boletseng re ikemiselitse ho se etsa ’me re tla mo mamela.”+

12 Ha le ja, le khotsofala ’me le haha matlo a matle ebile le lula ho ’ona,+ 13 mohlape oa lona oa likhomo le oa linku le lipoli o eketseha, le silevera le khauta tsa lona li eketseha ’me lintho tsohle tseo le nang le tsona li e-ba ngata, 14 le se ke la lumella lipelo tsa lona ho ikhohomosa+ eaba le lebala Jehova Molimo oa lona ea le ntšitseng naheng ea Egepeta, ka tlung ea bokhoba,+

29 Ana ke mantsoe a selekane seo Jehova a laetseng Moshe hore a se etse le sechaba sa Iseraele naheng ea Moabe, ho ekelletsa ho selekane seo a se entseng le bona Horebe.+

26 Leha ho le joalo, ha baa ka ba mamela eaba baa u fetohela+ ’me ba furalla Molao* oa hao. Ba bolaea baprofeta ba hao ba neng ba ba lemosa hore ba khutlele ho uena ’me ba etsa lintho tse bontšang hore ho hang ha ba u hlomphe.+