9 Moshe le Arone, Nadabe le Abihu le baholo ba 70 ba Iseraele ba nyoloha 10 ’me ba bona Molimo oa Iseraele.+ Tlas’a maoto a hae ho ne ho e-na le ntho e bonahalang eka ke matlapa a safire ’me e ne e hloekile joaloka maholimo.+

6 Selemong seo Morena Uzia a shoeleng ka sona,+ ka bona Jehova a lutse teroneng e holimo, e phahameng.+ Seaparo sa hae se ne se le selelele se tletse ka tempeleng. 2 Lirafime li ne li eme ka holim’a hae. Serafime ka seng se ne se e-na le mapheo a tšeletseng. Ka a mabeli se ne se ikoahela sefahleho, ka a mabeli se ikoahela maoto ’me ka a mabeli se fofa.

 3 Li ne li hoeletsana li re:

“Oa halalela, oa halalela, oa halalela Jehova oa mabotho.+

Lefatše lohle le tletse khanya ea hae.”

27 Ho tloha thekeng la hae ho ea holimo ke ile ka bona ntho e khanyang joaloka motsoako oa khauta le silevera,+ e kang mollo. Ho ea tlase ka bona ntho e kang mollo.+ Ho ne ho e-na le khanya e mo potolohileng 28 e joaloka mookoli+ o bang teng marung ha pula e na. Ena ke tsela eo khanya e neng e mo potolohile e neng e shebahala ka eona. E ne e shebahala joaloka khanya ea Jehova.+ Ha ke e bona ke ile ka khumama eaba ke utloa motho ea buang.

2 Hang-hang moea oa Molimo oa qala ho sebetsa ho ’na eaba ke bona terone leholimong ’me ho ne ho e-na le ea lutseng ho eona.+ 3 Ea neng a lutse teroneng o ne a phatsima joaloka lejoe la jaspere+ le la sardiase* ’me ho ne ho e-na le mookoli o pota-potileng terone o joaloka lejoe la emeralde.+