Lipesaleme
Ho motsamaisi. E binoe ka molumo oa “U se ke oa Senya.” Pesaleme ea Davida. Miktame.*
58 Na le ka bua ka ho loka empa le khutsitse?+
Na le ka ahlola ka toka, lona bara ba batho?+
3 Ba khopo ba tsoa tseleng ho tloha ha ba tsoaloa.*
Ha ba laolehe, ba bua leshano ho tloha ha ba hlaha.
4 Chefo ea bona e tšoana le ea linoha.+
Ha ba utloe litsebeng joaloka noha ea masumu e ithibang litsebe.
5 E ke ke ea mamela lentsoe la ba tšerehanyang linoha,
Ho sa tsotellehe hore na ba na le bokhoni hakae.
6 Molimo, ba ntše meno.
Roba mehlahare ea litau tsena hle Jehova.
7 E se eka ba ka nyamela joaloka metsi a phallang.
E se eka Molimo a ka koba seqha sa hae ’me a ba liha ka metsu ea hae.
8 E se eka ba ka tšoana le khofu e haufi le ho shoa.*
Ba tšoane le ngoana ea hlahang a sa phele, ea e-s’o ka a bona letsatsi le ka mohla.
9 Pele lipitsa tsa lona li utloa mocheso oa sehlahla sa monokotšoai,
O tla fiela thupa e mongobo le e tukang joaloka moea oa sefefo.+
10 Ea lokileng o tla thaba hobane a bone ha Molimo a iphetetsa.+
Maoto a hae a tla tlala mali a ba khopo.+
11 Kahoo batho ba tla re: “Ho na le moputso bakeng sa ba lokileng.+
Ho na le Molimo ea ahlolang lefatšeng.”+