Ho Hopola Lefu la Jesu

Nakong ea mokete o monyenyane, Jesu Kreste o ile a sebelisa veine le bohobe bo sa lomosoang e le litšoantšetso tsa bophelo ba botho boo a neng a tla bo etsa sehlabelo bakeng sa batho. Ha a thea mokete ona, o ile a re: “Etsang hona hore le tle le ’ne le nkhopole.”—Luka 22:19.

Selemong se fetileng, batho ba 8 965 221 ba ile ba hopola Jesu ka ho ba teng Sehopotsong sa lefu la hae libokeng tse khethehileng tse lokiselitsoeng ke Lipaki tsa Jehova. U mengoa ka mofuthu hore u be teng ha ho tšoaroa Sehopotso selemong sena Holong ea ’Muso e haufi ka ho fetisisa le moo u lulang. Se tla tšoaroa ka Labohlano, la 1 ’Mesa, ha letsatsi le qeta ho likela. Fumana nako e nepahetseng ho Lipaki tsa Jehova tse sebakeng sa heno.