Nka Hlōla Khatello ea Lithaka Joang?
Lengolo le tsoang ho ofisiri ea sepolesa Chicago le hlakisa bohlokoa ba ho tseba karabelo. Oa ngola:
“Ka la 15 January, 1990, ke ne ke isa khotla motšoaruoa ea lilemo tse 18 ea ileng a khutlisetsoa Chicago ho tsoa Mississippi ka tokomane ea baphaphathehi. Karolo ea ho isa motho khotla ke ho nka thepa eohle ea motšoaruoa. O ne a e-na le buka ea Bacha Baa Botsa.
“Ke ile ka ’motsa: ‘Na u ile ua bala buka ee?’
“O ile a arabela: ‘E, ha ke ntse ke ipatile Mississippi, ke ne ke sebetsa polasing, ’me Lipaki tsa Jehova tse peli li ile tsa mpha buka ena.’ Eaba joale o qala ho lla, a le lekhatheng la ho sisa pelo ka mokhoa o sa laoleheng. Pakeng tsa ho sisa ha pelo, o ile a re: ‘Ke balile buka ena ka makhetlo a mangata, ’me khaolo eo ke e balang hangata ke “Nka Hlōla Khatello ea Lithaka Joang?”’ O ile a eketsa: ‘Haeba feela ke ne nkabe ke ile ka fumana boitsebiso bona lilemong tse tharo kapa tse ’nè tse fetileng, nka be ke se mona kajeno.’
“Motšoaruoa o ile a tlosoa, ’me ke ile ka bala tlaleho ea sepolesa le boipolelo boo a bo fileng mapolesa. Ho eona o ne a itse: ‘Moeta-pele oa sehlopha sa ka o ile a mpolella hore ke ee seterateng ’me ke thunye setho sa sehlopha seo re neng re tsekisana le sona se neng se rekisa cocaine sebakeng sa rōna. Ke ile ka etsa seo ho ileng ha thoe ke se etse. Ke ne ke tšaba hore litho tse ling li ne li tla nahana hore ha ke nke hantle. Ke ne ke batla ho amoheloa.’”
Mohlomong le uena ka ho tšoanang u ile ua ipotsa lipotso tse kang: Nka hlōla khatello ea lithaka joang? Na ke lokela ho tlohela sekolo? Nka hana joang likamano tsa botona le botšehali pele ho lenyalo? Ke hobane’ng ha ke lokela ho hana lithethefatsi? Tsena ke tse ling tsa lihlooho tse tšohloang ho Lipotso Bacha Baa Botsa—Likarabo tse Sebetsang. Haeba u thahasella ho fumana kopi ea buka ena e nang le litšoantšo tse bohehang e maqephe a 320, ka kōpo tlatsa ’me u romele setlankane sena.
Ke rata ho fumana buka e sekoahelo se thata Lipotso Bacha Baa Botsa—Likarabo tse Sebetsang. (Ka ntle ho R.S.A., ngolla lekala la Watch Tower le haufinyane ho fumana boitsebiso. Bona leqephe 2.)