Tsoha! E Thusa Ngoanana ho Hapa Moputso Italy

Selemong se fetileng ngoanana ea lilemo li leshome ea kenang sekolo Italy o ile a ngola moqoqo sehloohong se reng “Haeba Lefatše le ne le ka Bua.” Sehlooho sena se ile sa tšohloa ka mokhoa oa puisano pakeng tsa lefatše le ngoana ea ileng a botsa lefatše hore na le llelang. Ngoanana enoa ea kenang sekolo oa hlalosa:

“Lefatše le ile la arabela ka hore le silafalitsoe ke mosi o entseng hore ho be le greenhouse effect. Lefatše le ile la tsoela pele ho buisana le ngoana enoa ’me la re haufinyane lintho li tla fetoha ’me bokamoso bo tla ba molemo haholoanyane, ho sa tsotellehe seo motho a se etsang. Tšepo ea lefatše e ne e le ho Molimo o Matla ’Ohle, ’Mōpi oa lona, ea sa kang a bōpela lefatše lefeela ea mpang a le bōpetse hore le ahuoe.—Esaia 45:18.”

Ngoanana enoa ea kenang sekolo o ile a phaella ka ho re: “Ke ile ka fumana boitsebiso bona limakasineng tsa Tsoha! (ea Senyesemane) litokollong tsa July 22, 1989; September 8, 1989; le September 22, 1989. Ka baka la limakasine tsena moqoqo oa ka o ile oa hapa moputso oa pele. Moputso oa bobeli o ile oa fumanoa ke e mong oa liithuti-’moho le ’na eo ’mè oa hae a nehoang tokollo e ’ngoe le e ’ngoe ea limakasine tsena ke ’mè oa ka. Le eena o ile a nka boitsebiso limakasineng tsona tseo tsa Tsoha!

“Ke le leboha ka boitsebiso bona bo molemo bo nepahetseng le bo bonolo bo re hlalefisang. Ke le romella moputso ona oo ke o fumaneng oa li-lire tse 100 000 [liranta tse ka bang 275] hore le o sebelise bakeng sa ho hatisa limakasine tse eketsehileng.”

Re lumela hore ho sa tsotellehe hore na bolumeli ba hao ke bofe, le uena u ka fumana molemo lihloohong tse hohelang tsa Tsoha!

Nka thabela hore makasine oa Tsoha! o romeloe lapeng la ka. (Ka ntle ho R.S.A., ngolla lekala la Watch Tower le sebakeng sa heno ho fumana boitsebiso. Bona leqephe 2.)