U Mengoa ka Mofuthu

Lefu la motho Jesu Kreste lilemong tse ka holimo ho 1 900 tse fetileng e bile ketsahalo ea bohlokoa haholo historing ea motho. Le butse monyetla oa ho fumana bophelo bo sa feleng lefatšeng la paradeise. Tšebeletsong e itekanetseng, Jesu o ile a sebelisa bohobe le veine tse sa lomosoang e le litšoantšetso tsa sehlabelo sa hae sa botho se bontšang lerato. Eaba o bolella barutuoa ba hae: “Etsang hona hore le tle le ’ne le nkhopole.” (Luka 22:19) Na u tla hopola ketsahalo ee ea bohlokoa? Lipaki tsa Jehova li u mema ka mofuthu hore u kopanele le tsona ha li tšoara tšebeletso ena ea Sehopotso. E tla tšoaroa ka mor’a hore letsatsi le likele letsatsing le nyalanang le la 14 Nisane almanakeng ea Bibele e baloang ho latela khoeli e holimo. U ka ba teng Holong ea ’Muso e haufi le lehae la hao. Botsa nako e tobileng le sebaka ho Lipaki tsa Jehova tsa sebaka seo u leng ho sona. Letsatsi la tšebeletso ka 1995 e tla ba Labohlano, la la 14 April.