Letsatsi le Lokelang ho Hopoloa

Mantsiboeeng a pele a e-shoa, Jesu o ile a fa baapostola ba hae sengoathoana sa bohobe bo sa lomosoang le senoelo sa veine ’me a laela hore ba je le ho noa. A boela a re ho bona: “Le ’ne le etse sena ho nkhopola.”—Luka 22:19.

Selemong sena mokete oa ho ikhopotsa ketsahalo ena o tla tšoaroa ka Labone, la la 1 April, ka mor’a hore letsatsi le likele. Lipaki tsa Jehova lefatšeng ho pota li tla bokana hammoho bosiung boo bo khethehileng ho keteka Sehopotso sena ka tsela eo Jesu a laetseng ka eona. Re u mema ka mofuthu hore u kopanele le rōna. Ka kōpo botsa Lipaki tsa Jehova tse lulang sebakeng sa heno nako e tobileng le sebaka seo ho tla tšoareloa seboka sena se khethehileng ho sona.