‘Lebohang Lipaki Tsa Jehova ka Tokoloho ea Bolumeli’

SEHLOOHO se koranteng ea USA Today, se re: “Pele u hana ho bulela e mong oa Lipaki tsa Jehova lemati, ak’u eme hanyenyane ’me u nahane ka mahloriso a hlabisang lihlong ao li fetileng har’a ’ona nakong e seng kae e fetileng, hammoho le tlatsetso ea tsona e khōlō tokolohong eo kaofela re nang le eona e tiisitsoeng ke Sehlomathiso sa Pele.” Lipaki tsa Jehova li ile tsa hlorisoa United States ho pholletsa le lilemo tsa bo-1940, ’me har’a mabaka a mang, li ne li hlorisetsoa ho hana ho lumelisa folakha.—Exoda 20:4, 5.

Nakong ea lilemo tse hlano pakeng tsa 1938 le 1943 Lekhotla le ka Holimo-limo la United States le ile la sebetsana le linyeoe tse ka bang 30 tse amang Lipaki tsa Jehova. Sehlooho seo se re: “Lipaki li ile tsa hlahisa litseko tsa motheo tse amang Sehlomathiso sa Pele ka makhetlo a mangata hoo Moahloli Harlan Fiske Stone a ileng a ngola, ‘Lipaki tsa Jehova li lokela ho putsoa ka lebaka la thuso eo li faneng ka eona ho rarolleng mathata a molao a tokoloho ea sechaba.’”

Kahoo, ho elella bofelong ba sona, sehlooho sena se re: “Malumeli ’ohle a lokela ho leboha Lipaki tsa Jehova ka keketseho ea tokoloho [ea bolumeli].”

[Litlhaloso Tsa Moo Litšoantšo li Nkiloeng Teng tse leqepheng la 32]

Background, building: Photo by Josh Mathes, Collection of the Supreme Court of the United States; lower left, justices: Collection of the Supreme Court of the United States