Litsebiso

● Mpho ea buka ka December: Buka ea ka ea Lipale tsa Bibele ka monehelo oa R7,50. January le February: Ho Pholohela Lefatšeng le Lecha ka monehelo oa R2,50. (Liphutheho li ka odora libuka tsa mpho e khethehileng Mokhatlong.) March: Tšenolo—Tlhōrō ea Eona e Hlollang ka Botle e Haufi! ka monehelo oa R7,50. Buka ea Lipotso Bacha Baa Botsa—Likarabo tse Sebetsang e ka ’na ea sebelisoa joaloka mpho e ’ngoe ea buka, ka monehelo oa R3,75.

● Sehopotso sa 1992 se tla ba ka Labohlano, April 17, ka mor’a shoalane. Tsebiso ena e fanoang esale pele ea letsatsi la mokete oa Sehopotso ka 1992 e fanoa e le hore baena ba ka beeletsa libaka kapa ba etsa litumellano tse hlokahalang bakeng sa liholo tse fumanehang ha ho e-na le liphutheho tse ngata haholo tse sebelisang Holo ea ’Muso e le ’ngoe ’me ba tlameha ho fumana libaka tse ling.

● Molebeli ea okamelang kapa e mong ea khethiloeng ke eena o lokela ho hlahloba lichelete tsa phutheho ka December 1 kapa kapele kamoo ho ka khonehang ka mor’a moo.

● Ho qala ka tokollo ea January 1, 1991, ho tla hatisoa khatiso e tsoang hanngoe ka khoeli ea Molula-Qhooa ka Sekwanyama le Sendonga. Khatiso ena e tla ba makasine o kopantsoeng, o nang le lihlooho tse ithutoang ka Sekwanyama ’me lihlooho tse ling li tla ba ka Sendonga.

● Bahoeletsi ba bangata ba ’nile ba botsa hore na ke hobane’ng ha ho sa ngoloa litheko moo ho phatlalatsoang khatiso e itseng limakasineng tsa Mokhatlo. Litokisetso tse itseng tsa molao United States li entse hore ho hlokahale ho etsa sena. Leha ho le joalo, mona Afrika Boroa, haeba batho ba batla leha e le life tsa likhatiso tsena Mokhatlong, kapa haeba Mokhatlo o ka kōpa hore phutheho e lokisetse hore e mong a etele batho ba joalo, ba lokela ho fuoa libuka kapa limakasine ka monehelo oa theko e tloaelehileng bakeng sa naha ena.

● Ka kōpo hlokomelang linyollo tse latelang tsa theko tse tlang ho sebetsa hang-hang, ’me le fetole “Cost List” ea lōna ho lumellana le tsona:

Phut. le

Batho

Bo-pul. bohle

Bibele ka Lipuo tsa Seafrika R8,00 R9,00

Bibele ka Seafrikaanse

(phetolelo ea Khale le e Ncha) R9,00 R10,00

● Kaha ho na le phapang pakeng tsa kemiso ea ’malo oa Bibele almanakeng ea 1991 le Kemisong ea Sekolo sa Tšebeletso sa Puso ea Molimo, baena ba kōptjoa ho latela ’malo oa Bibele o Kemisong ea Sekolo sa Tšebeletso sa Puso ea Molimo ho fapana le o almanakeng.

● Bethele e hloka litšebeletso tsa mooki ea tšoanelehang. Ka kōpo ngolla Mokhatlo ’me u kōpe foromo ea kōpo ea Bethele.

● Ka kōpo hlokomelang hore matsatsi a nepahetseng bakeng sa kopano ea setereke e Umtata ke January 3-6, 1991.

● Likhatiso tse Ncha tse Fumanehang:

Bibele—Lentsoe la Molimo Kapa la Motho?—Sepanishe