Litaba Tsa Puso ea Molimo

Afrika Boroa: Baithaopi ba 21 ba tsoang Canada le United States of America ba ile ba thusa liphutheho tse peli tsa Johannesburg, e leng phutheho ea Hillbrow le ea Berea, hore li hahe Holo ea ’Muso e mekato e ’meli e hahiloeng ka mokhoa o potlakileng. Moea oa bona o babatsehang o felletse ka nyakallo e khōlō! Likomiti tsa Kaho tsa Mabatooa li sebelisa ka katleho basebetsi ba baithaopi ba tlatsitseng “Kingdom Hall Construction Worker Questionnaire.” Bohle ba khothalletsoa hore ba tsoele pele ho tšehetsa merero ea Holo ea ’Muso e ntseng e tsoela pele.

Lebanon: Bahoeletsi ba tlalehileng ka February ba entse kakaretso ea ba 2919, e leng keketseho ea 9 lekholong ho feta kakaretso ea selemong se fetileng.

Poland: Ka February ho bile le keketseho ea 6 lekholong, ’me ho ile ha tlaleha ba 105 226. Lithuto tsa Bibele li ile tsa nyoloha ho tloha ho tse 71 686 ho ea ho tse 76919 selemong se le seng.