Litsebiso

◼ Lingoliloeng tseo ho tla nehelanoa ka tsona ka August: Bukana leha e le efe e maqephe a 32 ho tse latelang ka monehelo oa R1,20 e le ’ngoe: Ha Eo U Mo Ratang A E-shoa, Morero oa Bophelo ke Eng—U ka o Fumana Joang?, ’Muso O Tla Tlisa Paradeise, Na Ruri Molimo oa re Tsotella?, Na U Lokela ho Lumela Boraro-bo-bong? le Thabela Bophelo Lefatšeng ka ho sa Feleng! Tšimong e sa abuoang: Tsebo e Isang Bophelong bo sa Feleng ka monehelo oa R4,00 le U ka Phela ka ho sa Feleng Paradeiseng Lefatšeng ka monehelo oa R4,00. Libuka tse nyenyane ke R2,00. September: Lekunutu la Thabo ea Lelapa ka monehelo oa R4,00. October: Lipeeletso tsa selemo se le seng ka poso tsa Tsoha! kapa Molula-Qhooa ka monehelo oa R48,00 bakeng sa likhatiso tse tsoang habeli ka khoeli. Peeletso ea selemo se le seng bakeng sa likhatiso tse tsoang hang ka khoeli kapa peeletso ea likhoeli tse tšeletseng bakeng sa likhatiso tse tsoang habeli ka khoeli ke R24,00. Lipeeletso tsa club ke R24,00 le R12,00 ka ho latellana. Etsa boiteko bo khethehileng ba ho tsamaisa likopi tsa limakasine ha peeletso e hanoa. Ho ea bofelong ba khoeli ho tla abuoa Kingdom News No. 35. November: Kabo ea Kingdom News No. 35 e tla tsoela pele. Liphutheho tse qetang tšimo ea tsona ka ho finyella beng ba matlo lapeng le leng le le leng ka kopi ea Kingdom News No. 35 li ka ’na tsa nehelana ka buka ea Tsebo.

◼ Bethele e hloka ka POTLAKO barab’abo rōna bao e leng bo-mak’henike ba tšoanelehang ba disile, ba sebetsanang le lipeipi tsa metsi, litsebi tsa motlakase kapa tsa elektronike. Na u mahareng a lilemo tse 19 le 35, ’me u lesoha, kapa haeba u nyetse, ha u na ba leng tlas’a tlhokomelo ea hao? Na u ka iketsa ea fumanehang bakeng sa tšebeletso ena e khethehileng ea Bethele? Haeba ho joalo, ka kōpo ngola kapa u letsetse Mokhatlo bakeng sa boitsebiso bo eketsehileng.

◼ Ka la 29 le la 30 August, 1997, Mokhatlo o tla be o bala manane a setoko sa libuka tsohle tse teng Bethele. Ka lebaka la ho baloa hona ha manane, ha ho liodara tsa liphutheho tse tla sebetsoa bakeng sa ho isoa kapa ho latoa matsatsing ao.

◼ Phutheho e ’ngoe le e ’ngoe e tla amohela liforomo tse tharo tsa Leqephe la ho Tlatsa Manane a Libuka (S-AB-18). Mongoli oa phutheho o lokela ho kopana le mohlanka oa libuka mathoasong a August ’me ba behe letsatsi bakeng sa ho tla bala manane a setoko sa libuka tsa phutheho qetellong ea khoeli. Libuka tsohle tse setokong li lokela ho baloa, ’me kakaretso e lokela ho kenngoa foromong ea Leqephe la ho Tlatsa Manane a Libuka. Palo ea kakaretso ea limakasine tse teng e ka fumanoa ho mohlanka oa limakasine. Ka kōpo tlatsang sena ka la 1 September ’me le romele liforomo tseo ho Mokhatlo kapele kamoo ho ka khonehang kateng ka mor’a hore le amohele setatemente sa lōna sa August. Bolokang kopi ea carbon bakeng sa lifaele tsa lōna. Ea boraro e ka sebelisoa e le leqephe leo le sebeletsang ho lona. Ho baloa hona ha manane ho lokela ho tsamaisoa ke mongoli, ’me foromo e tlatsitsoeng e lokela ho hlahlojoa ke molebeli ea okamelang. Mongoli le molebeli ea okamelang ba tla saena foromo eo.

◼ Libeche tsa kopano ea setereke tsa 1997 li lokela ho odaroa ’me li tla lefisoa molatong oa libuka oa phutheho ka lisente tse leshome karete. Liphutheho tse se nang mokitlane le Mokhatlo, kapa tse nang le khaello mokitlaneng oa tsona li lokela ho romela chelete le odara ea tsona. Ka kōpo odarang ka lihlopha tsa tse 20 ha ho khoneha. Likarete tsena li fumaneha ka Seafrikanse, Senyesemane, Sepedi, Sepotoketsi, Sesotho, Setsonga, Setswana, Sexhosa le Sezulu. Ka kōpo kenyang odara ea lōna le sebelisa foromo ea Literature Order (S-AB-14). Liodara tsena li lokela ho fihla ho Mokhatlo pele ho la 1 November, 1997. Ka morao ho moo re ke ke ra sebetsa liodara tsa libeche.

◼ KA KŌPO HLOKOMELANG: Matsatsi a latelang a kopano ea setereke a fetohile:

La 12-14 December: Mafikeng (matsatsi a macha)

La 19-21 December: Bloemfontein, Gaborone (matsatsi a macha)

La 26-28 December: Ermelo (Sezulu; kopano e ’ngoe) Manzini (Senyesemane; sebaka se secha)