Na re ka Fana ka Buka ea Creator?

Kaofela re ile ra thabela ho fumana buka ea Is There a Creator Who Cares About You? Ke buka eo ka ho khetheha e etselitsoeng bao e ka ’nang eaba ha ba lumele ho Molimo, le hoja ba rutehile haholo litabeng tsa lefatše. Buka ena e khotsofatsa tlhoko e ntseng e eketseha.

Ka mabaka a sebetsang, lingoliloeng tseo ho nehelanoang ka tsona khoeli le khoeli hangata ke tse ipiletsang haholo. Na hoo ho bolela hore re lokela ho ithiba ho faneng ka buka ee ea Creator? Le hanyenyane! Buka ena ho ka nehelanoa ka eona neng kapa neng ho pholletsa le selemo, e fuoa batho ba sa lumeleng ho Molimo le ba ka ’nang ba rua molemo ho eona. E ka boetse ea fuoa batho ba lumelang ho Molimo empa ba hlile ba sa tsebe hore na ke mang kapa hore na litšoaneleho tsa hae ke life le merero ea hae. Kahoo u khothalletsoa ho tsamaea ka kopi mokotlaneng oa hao oa ho paka ’me u lule u loketse ho fana ka eona ho mang kapa mang eo u nahanang hore o tla thahasella ho e bala.