Litaba Tsa Puso ea Molimo

◼ Bekeng ea ho qetela ea January ho ile ha neheloa Holo e ’ngoe ea ’Muso Clernaville (Pinetown) KwaZulu-Natal. Phutheho ena e thehiloe ka 1947 ’me ba 207 ba neng ba le teng ba ile ba thaba haholo ka bohato bona ba bohlokoa ba moea boo ba bo finyeletseng historing ea phutheho ena. Hona ho tlisa kakaretso ea liholo tse nehetsoeng selemong sena sa tšebeletso ho tse 14. Ba ntseng ba le mothating oa ho haha holo ea bona ba khothalletsoa ho etsa sohle se matleng a bona hore ba e qete kapele, e le hore holo eo e ka neheloa pele selemo sena sa tšebeletso se fela.

Litabeng tsa Puso ea Molimo ka December 2000 ho ile ha boleloa tjena: “Sehlopha se Busang se rata hore phutheho e ’ngoe le e ’ngoe e kopanele Holong ea eona ea ’Muso.” Taba e ne e le hore phutheho e ’ngoe le e ’ngoe e lokela ho kopanela ka Holong ea ’Muso, eseng hakaalo holong ea eona. Ho loketse hore liphutheho tse tharo, tse ’nè kapa ho feta li arolelane Holo ea ’Muso. Leha ho le joalo, ba kopanelang mek’huk’hung ea masenke kapa e entsoeng ka lehong, kapa likolong baa tšoaneleha ho ba le Holo ea ’Muso.