Lintlha-khōlō Tsa Tšebeletso ea Tšimo

Ka March Namibia e tlalehile litlhōrō tse ncha tse tšeletseng: bahoeletsi ba 2 072; bo-pula-maliboho ba kamehla ba 237; lihora tse 56 240; maeto a ho boela a 21 242; lithuto tsa Bibele tse 4 527; le ba 7 277 ba bileng teng Sehopotsong. Afrika Boroa le eona e tlalehile litlhōrō tse ncha tse tšeletseng: bahoeletsi ba 95 688; bo-pula-maliboho ba kamehla ba 9 800; maeto a ho boela a 598 680; lithuto tsa Bibele tse 138 365; le ba 222 248 ba bileng teng Sehopotsong. Re thabela ho le tsebisa hore tšimong ea lekala la Afrika Boroa, bahoeletsi ba 22 664 ba ile ba kenela bopula-maliboho bo thusang ka March. Le entse hantle bara le barali babo rōna! Le tlatsitse tšimo ea rōna ka litaba tse molemo.—Liketso 5:28.