Lintlha-khōlō Tsa Tšebeletso ea Tšimo

Afrika Boroa e tlalehile bahoeletsi ba 98 545 khoeling ea October ka tlhōrō e ncha ea bo-pula-maliboho ba kamehla ba 10 779. Ruri eo ke keketseho e babatsehang! Lithuto tsa Bibele tse 143 684 tse khannoang hona joale li bontša hore kannete kotulo e khōlō. Swaziland le eona e entse mosebetsi o tsoileng matsoho ka hore e tlalehe bahoeletsi ba 3 295 hona khoeling eo. Ho khannoa lithuto tsa Bibele tse 4 781 ’me ho hlokahala bo-pula-maliboho ba eketsehileng naheng ena e nyenyane. Re tšepa hore Jehova o tla tsoela pele ho fana ka basebetsi ba eketsehileng hore ba re thuse ho bokella batho ba khahlehang tšimong ea lekala la rōna.—Matheu 9:37, 38.