Ntlafatsa Tsebo ea Hao Boboleling​—Ruta ka Tsela e Atlehang U Sebelisa Buka ea “Le Ipoloke Leratong la Molimo”

KE HOBANE’NG HA E LE HABOHLOKOA: Batho ba tlameha ho ithuta melao ea Jehova le ho e boloka e le hore ba mo rapele ka tsela eo a e amohelang. (Esa 2:3, 4) Buka ea “Lerato la Molimo,” e leng buka ea bobeli eo re e ithutang eona le batho, e ba thusa ho bona kamoo ba ka sebelisang melao ea Molimo kateng. (Heb 5:14) Re lokela ho ba ruta ka mokhoa o atlehang e le hore ba susumelletsehe ho fetola bophelo ba bona.—Bar 6:17.

RE KA HO ETSA JOANG?

• Lokisetsa hantle, u nahanne ka hore na seithuti sa hao se hloka’ng. Lokisetsa lipotso tse tla thusa seithuti ho ntša maikutlo a sona ka taba eo le ithutang eona.—Lipr 20:5; be 259

• Sebelisa mabokose a ka bukeng ho thusa seithuti ho bona bohlokoa ba ho sebelisa melao-motheo ea Bibele

• Thusa seithuti hore se be le mabaka a utloahalang a ho etsa liqeto tse amang letsoalo.—Gal 6:5

• Ha u hlokomela hore seithuti se na le bothata tabeng e itseng, se thuse ho sebelisa melao-motheo ea Bibele. Se khothalletse ho etsa liphetoho bophelong ba sona hobane se rata Jehova empa u etse seo ka mosa.—Lipr 27:11; Joh 14:31