Pompo e Hlollang ea Sefate

Mahlaku a leng holimo-limo sefateng a hloka metsi le lijo, hangata, lilithara tse likete ka letsatsi. Metsi ana a lokela ho pompeloa holimo, empa joang?

“Mokhoa ona o hlollang oa ho pompa o qala tlase koana mobung moo metso e menyenyane haholo e limillione e monyang metsi le ho qhibilihisa matsoai,” ho hlalosa Compressed Air Magazine. “Ha metsi ana a monngoa ke metso, sena se bōpa khaello e khōlō mahlakung a sefate e etsang hore ho bulehe likheo tsa moea tse nyolosetsang holimo ’me kahona sefate se hula metsi a mangata haholo mobung. Ha ho na pompo e entsoeng ke motho e bulang sekheo sa moea e ka hulang metsi bophahamo ba [limithara tse 10].” Empa ho thoe’ng ka mokhoa oa ho pompa o sebelisoang ke sefate?

O hlolla haholo hoo ho boleloang hore, haeba ho hlokahala, metsi a ka pompeloa bophahamo ba lik’hilomithara tse tharo! Ha ho makatse ha mophatlalatsi e mong ea tsebisahalang oa lipompo a ile a hulela tlhokomelo “pompong e hlollang” ea sefate sa maple ’me a lumela sena: “Re ke ke ra etsisa tlhaho ka mamello kapa mosebetsi oa eona.”