Leihlo la Tšoele

Na le Entsoe?

● Litšoele tse ngata li fofa bosiu. Le hoja liphoofolo tse ling tse tsamaeang bosiu li bonahala ka mahlo ho phatsima ha a kopana le khanya, tšoele eona e khona ho ipata—lera la eona la leihlo ha le phatsime hakaalo ha le kopana le khanya.

Ak’u nahane: Tšoele e na le lera le sa tloaelehang la leihlo—le nang le maqhutsu a manyenyane a hlophisitsoeng ka libōpeho tse nang le mahlakore a tšeletseng. Peng Jiang, e leng motlatsi oa moprofesa oa boenjiniere ba lik’hemik’hale Univesithing ea Florida, U.S.A., o re maqhutsu ao “a manyenyane ho feta bolelele ba leqhubu la khanya e bonahalang.” Tsela eo maqhutsu ao a lutseng ka eona le boholo ba ’ona e etsa hore leihlo la tšoele le tšoare mefuta e sa tšoaneng ea khanya e bileng e hlahang ka mahlakoreng a sa tšoaneng. Maqhutsu ao a manyenyane a bolelele ba li-nanometer tse 200 ho isa ho tse 300 feela. Ha ho bapisoa lintho, moriri oa motho o bophara ba li-nanometer tse ka bang 80 000!

Lienjiniere li tšepa hore ha li ka utloisisa lera la leihlo la tšoele haholoanyane, seo se tla li thusa hore li ntlafatse tsela eo li sebelisang mabone a li-LED le theknoloji ea LCD e sebelisoang haholo linthong tsa elektronike. Tsela eo leihlo la tšoele le entsoeng ka eona e ka boetse ea sebelisoa tabeng ea matla a letsatsi. Liphanele tsa silicon tse amohelang matla a letsatsi li ka ’na tsa ntša hoo e ka bang karolo ea 35 lekholong ea khanya—e leng tšenyo e khōlō ea matla a ka sebelisoang. Leha ho le joalo, Jiang le bo-mphato ba hae ba ile ba etsisa tsela eo maqhutsu a lereng la leihlo la tšoele a hlophisitsoeng ka eona, ’me ba etsa silicon e ntšang khanya e ka tlaase ho karolo ea 3 lekholong. Jiang o qetella ka ho re, “Re ka ithuta ho hongata linthong tsena tsa tlhaho.”

U nahana’ng ka see? Na leihlo le lenyenyane la tšoele le tšoarang khanya le bile teng ka tšohanyetso? Kapa na le entsoe?

[Setšoantšo se leqepheng la 30]

Lera la tšoele le na le maqhutsu a manyenyane a hlophisitsoeng ka libōpeho tse nang le mahlakore a tšeletseng

[Litšoantšo tse leqepheng la 30]

“Silicon” e tšoarang khanya, e sebelisoang liphaneleng tse amohelang matla a letsatsi

[Litlhaloso Tsa Moo Litšoantšo li Nkiloeng Teng tse leqepheng la 30]

Moth eye close-up: Courtesy of Dartmouth Electron Microscope Facility; silicon close-up: Courtesy Peng Jiang