Greece le Roma li Susumetsa Bajuda
KHŌLO ea se ileng sa fetoha ’Muso oa Greece e ile ea qala lithabeng tsa Macedonia. Lithabeng tseo, Alexandere o ile a qala ho nahana ho hapa linaha tse ka bochabela ha a le lilemo tse fetang 20. Ka 334 B.C.E., o ile a lebisa lebotho la hae ka mose ho Hellespont (Dardanelles), e arolang Europe le Asia. Joaloka “lengau” le laimang, Bagerike ba tlas’a Alexandere ba ile ba qala liphutuho tse latellanang tsa khapo e potlakileng. (Dan 7:6) Alexandere a hlōla Bapersia haufi le Troy, lithoteng tsa Nōka ea Granicus, ’me a ba hlōla ka ho feletseng Issus.
Bagerike ba ile ba hlasela Syria le Foenisia, ba hapa Tyre ka mor’a ho e thibella ka likhoeli tse supileng. (Eze 26:4, 12) Alexandere o ile a tlohela Jerusalema ’me a hapa Gaza. (Zak 9:5) Ha a fihla Egepeta, a theha Alexandria, e ileng ea fetoha setsi sa khoebo le thuto. O ile a boela a feta Naheng e Tšepisitsoeng ’me a boela a qhalakanya Bapersia, Gaugamela, haufi le lithako tsa Ninive.
Alexandere o ile a leba boroa ho ea hapa Babylona, Shushane (Susa), le Persepolise—litsi tsa tsamaiso tsa Persia. Eaba o feta ka potlako sebakeng se tlas’a puso ea Persia, ’me o fihla Nōkeng ea Indus ho seo kajeno e leng Pakistan. Ka lilemo tse robeli feela, Alexandere o ile a hapa boholo ba lefatše le neng le tsejoa ka nako eo. Empa ka 323 B.C.E., ha a le lilemo li 32, o ile a bolaoa ke malaria Babylona.—Dan 8:8.
Tšusumetso ea Bagerike Naheng e Tšepisitsoeng e ne e le matla. Ba bang ba kileng ba sebeletsa lebothong la Alexandere ba ile ba lula sebakeng seo. Lekholong la pele la lilemo, ho ne ho e-na le selekane sa metse e buang Segerike (Dekapolise). (Mat 4:25; Mar 7:31) Mangolo a Seheberu a ne a se a fumaneha ka Segerike. Sekoine (Segerike se tloaelehileng) e ne e le puo ea machaba eo ho ka phatlalatsoang lithuto tsa Bokreste ka eona.
’Muso oa Roma
Ho ne ho ntse ho etsahala’ng ka bophirimela? Roma—eo pele e neng e le sehlopha sa metse e haufi le Nōka ea Tibere—e ile ea e-ba bohlokoa haholoanyane. Qetellong, sesole se matla sa Roma le puso ea eona ea lipolotiki li ile tsa e nolofalletsa ho ripitla libaka tse laoloang ke balaoli ba bane ba Alexandere. Ka 30 B.C.E., ka ho hlakileng ’Muso oa Roma o ne o le matla, e leng pontšo ea pele ea ‘sebata se tšosang’ seo Daniele a se boneng ponong.—Dan 7:7.
’Muso oa Roma o ne o namme ho tloha Brithani ho ea fihla Afrika Leboea, ho tloha Leoatleng la Atlantic ho ea fihla Koung ea Persia. Kaha ‘muso ona o ne o lika-likelitse Leoatle la Mediterranean, Baroma ba ne ba le bitsa Mare Nostrum (Leoatle la Rōna).
Roma le eona e ile ea susumetsa Bajuda, bao naha ea bona e neng e le karolo ea ’Muso oa Roma. (Mat 8:5-13; Lik 10:1, 2) Jesu o ile a kolobetsoa ’me a shoa nakong ea puso ea Moemphera Tiberiuse. Babusi ba bang ba Roma ba ile ba hlorisa Bakreste ka sehlōhō empa ha baa ka ba felisa borapeli ba ‘nete. Ka mor’a lilemo tse makholo a 13, ‘muso ona o ile oa hlaseloa ke meloko ea Majeremane ka leboea le bo-hloma-u-hlomole ka bochabela.
[’Mapa o leqepheng la 26]
(Sheba boitsebiso bo hlophisitsoeng hantle khatisong)
’Muso oa Greece
Ka mor’a Alexandere, balaoli ba hae ba bane ba ile ba laola ‘muso oo o moholo
▪ Cassander
▫ Lysimachus
○ Ptolemy I
• Seleucus I
A2 ▪ GREECE
A2 ▪ Athene
A2 ▪ AKAIA
A3 ○ Cyrene
A3 ○ LIBYA
B2 ▫ Byzantium
B3 ○ CYPRASE
B4 ○ No-amone (Thebes)
C3 Palmyra (Tadmore)
C3 ○ Gerasa
C3 ○ Filadelfia
C3 ○ Jerusalema
C5 ○ Siene
G2 • Alexandria Margiana
Tsela ea Alexandere
A2 ▪ MACEDONIA
A2 ▪ Pella
A2 ▫ THRACE
B2 ▫ Troy
B2 ▫ Sarda
B2 ▫ Efese
B2 ▫ Gordium
C2 ▫ Ankara
C3 • Tarsase
C3 • Issus
C3 • Antioke (ea Syria)
C3 ○ Tyre
C4 ○ Gaza
B4 ○ EGEPETA
B4 ○ Memfise
B4 ○ Alexandria
A4 ○ Sebaka se Setalana sa Siwa
B4 ○ Memfise
C4 ○ Gaza
C3 ○ Tyre
C3 ○ Damaseka
C3 • Aleppo
D3 • Nisibis
D3 • Gaugamela
D3 • Babylona
E3 • Shushane
E4 • PERSIA
E4 • Persepolise
E4 • Pasargadae
E3 • MEDIA
E3 • Ekbatana
E3 • Rhagae
E3 • Hecatompylos
F3 • PARTHIA
G3 • ARIA
G3 • Alexandria Areion
G3 • Alexandria Prophthasia
F4 • DRANGIANA
G4 • ARACHOSIA
G4 • Alexandria Arachosiorum
H3 • Kabul
G3 • Drapsaca
H3 • Alexandria Oxiana
G3 • Drapsaca
G3 • BACTRIA
G3 • Bactra
G2 • Derbent
G2 • SOGDIANA
G2 • Maracanda
G2 • Bukhara
G2 • Maracanda
H2 • Alexandria Eschate
G2 • Maracanda
G2 • Derbent
G3 • Bactra
G3 • BACTRIA
G3 • Drapsaca
H3 • Kabul
H3 • Taxila
H5 • INDIA
H4 • Alexandria
G4 • GEDROSIA
F4 • Pura
E4 • PERSIA
F4 • Alexandria
F4 • CARMANIA
E4 • Pasargadae
E4 • Persepolise
E3 • Shushane
D3 • Babylona
[Libaka tse ling]
A3 KRETA
D4 ARABIA
[Moo ho Nang le Metsi]
B3 Leoatle la Mediterranean
C5 Leoatle le Lefubelu
E4 Kou ea Persia
G5 Leoatle la Arabia
[Linōka]
B4 Nile
D3 Eufrate
D3 Tigris
G4 Indus
[’Mapa leqepheng la 27]
(Sheba boitsebiso bo hlophisitsoeng hantle khatisong)
’Muso oa Roma
A1 BRITHANI
A3 SPAIN
B1 GERMANIA
B2 GAUL
B2 ITALY
B2 Roma
B3 Carthage
C2 ILYRIKAME
C3 GREECE
C3 Actium
C3 Cyrene
D2 Byzantium (Constantinople)
D3 ASIA MINOR
D3 Efese
D3 Aleppo
D3 Antioke (ea Syria)
D3 Damaseka
D3 Gerasa (Jarashe)
D3 Jerusalema
D3 Alexandria
D4 EGEPETA
[Moo ho Nang le Metsi]
A2 Leoatle la Atlantic
C3 Leoatle la Mediterranean
D2 Leoatle le Letšo
D4 Leoatle le Lefubelu
[Setšoantšo se leqepheng la 26]
Ka mor’a hore Ptolemy II a tsosolose Raba, o ile a e reha Filadelfia. Lithako tsa lebala le leholo la liketsahalo la Roma li ntse li le teng
[Setšoantšo se leqepheng la 27]
Motse oa Dekapolise oa Gerasa (Jarashe)
[Setšoantšo se leqepheng la 27]
Litsela tsa Roma, joaloka ena e haufi le Aleppo, li ne li kenella Europe, Afrika Leboea le Bochabela bo Hare. Bakreste ba ile ba tsamaea ka litsela tsena hore ba phatlalatse ‘nete ea Bibele