Ke Eng e Tlisang Thabo ka Lapeng?

BIBELE EONA E RE’NG?

“Ho thaba ba mamelang lentsoe la Molimo ’me ba le boloka!”—Luka 11:28, Bibele—Phetolelo ea Lefatše le Lecha.

HO TSEBA SEE HO KA U THUSA JOANG?

U ka fumana lerato la ’nete.—Baefese 5:28, 29.

U ka thabela tlhompho ea sebele.—Baefese 5:33.

U ka ba le tšireletseho ea ’nete.—Mareka 10:6-9.

NA RE KA LUMELA SEO BIBELE E SE BUANG?

E, bonyane ka mabaka a mabeli:

• Molimo ke Moqapi oa lelapa. Bibele e re ‘lelapa le leng le le leng le teng ka lebaka la’ Jehova Molimo. (Baefese 3:14, 15) Ka mantsoe a mang, lelapa le teng hobane Jehova e le eena ea le qapileng. Ke hobane’ng ha see e le sa bohlokoa?

  Nahana ka sena: Ha re re u ja lijo tse hlabosang ’me u batla ho tseba hore na li entsoe joang, u ne u tla botsa mang? Ke ho utloahalang ho botsa motho ea li phehileng.

  Ka ho tšoanang, e le hore re fumane se etsang hore lelapa e be le thabileng, re lokela ho botsa Jehova, Moqapi oa lelapa.—Genese 2:18-24.

• Molimo oa le tsotella. Malapa a lokela ho batla tataiso ea Jehova, eo a fanang ka eona ka Lentsoe la hae. Hobane’ng? “Hobane oa le tsotella.” (1 Petrose 5:6, 7) Jehova o le batlela se molemo ’me kamehla keletso ea hae ea sebetsa.—Liproverbia 3:5, 6; Esaia 48:17,18.