Selelekela sa Karolo ea 10

Jehova ke Morena ea phahameng ka ho fetisisa. Haesale e le eena ea laolang lintho ’me o tla lula a li laola. Ka mohlala, o ile a pholosa Jeremia hore a se ke a shoella ka sekoting se seretse. O ile a sireletsa Shadrake, Meshake le Abednego hore ba se ke ba shoella ka seboping sa mollo a ba a pholosa Daniele hore a se ke a bolaoa ke litau. Jehova o ile a sireletsa Esthere e le hore a ka pholosa batho ba habo. A ke ke a lumella hore bokhopo bo ’ne bo tsoele pele ka ho sa feleng. Boprofeta ba setšoantšo se seholo le sefate se seholo bo bontša hore ’Muso oa Jehova o tla felisa bokhopo bohle bo teng lefatšeng ’me o buse lefatše.