Lebokose la Lipotso

◼ Ke mang ea lokelang ho fuoa beche ea kopano ea setereke?

Libeche tsa kopano li ka thusa haholo tabeng ea ho tseba barab’abo rōna le ea ho tsebahatsa kopano. Leha ho le joalo, ha lia lokela ho abeloa e mong le e mong. Li khetholla batho ba li qhoaetseng e le ba boemong bo botle le phutheho e itseng ea Lipaki tsa Jehova.

Becheng ena ho na le sebaka seo ho sona ho ngoloang lebitso la motho hammoho le lebitso la phutheho. Ka lebaka leo, motho o lokela a be a kopanela hantle le phutheho e ngotsoeng moo. E ka ba ho loketseng hore mohoeletsi e mong le e mong ea kolobelitsoeng le ea sa kolobetsoang a fumane beche ena. Hape, bana le ba bang ba kopanelang kamehla libokeng tsa phutheho le ba hahamallang ho kopanela tšebeletsong ea tšimo ba ka e fuoa. E ke ke ea e-ba ho loketseng hore motho ea khaotsoeng a fuoe beche ea kopano.

Ha libeche li fihla, baholo ba lokela ho bona hore ho lateloa lintlha tsena tse tataisang.