Tsela ea ho Buella Limakasine

Molula-Qhooa October 1

“Batho ba bangata ba ipotsa hore na Molimo oa tsotella ha re le matšoenyehong. Uena u re’ng? [Emela karabo. Ebe u bala Pesaleme ea 34:18.] Sehlooho se qalang leqepheng la 19 se bua ka tsela eo Molimo a re thusang ka eona hore re loantše maikutlo a fosahetseng a kang a hore ha re letho, ho hlonama ho re sithabetsang le ho ikutloa re le molato.”

Tsoha! October

“Batho ba bang ba nka hore Molimo hase motho. Ba bang ba nka hore ke motho ea nang le maikutlo. Uena u re’ng? [Emela karabo.] Ela hloko polelo ena ea bohlokoa. [Bala 1 Petrose 5:6, 7.] Sehlooho se qalang leqepheng la 29 se re thusa ho fumana karabo ea Bibele ea potso ena, Na Molimo ke motho oa sebele?”

Molula-Qhooa November 1

“Kaofela ha rōna re batla ho khotsofala. Na re hloka chelete hore re khotsofale? [Emela karabo.] Mongoli e mong oa Bibele o ile a ithuta ho khotsofala le hoja a ne a kolla ntsi hanong. [Bala Bafilipi 4:11, 12.] Makasine ena e bontša litsela tse hlano tse hlahang ka Bibeleng tsa ho ithuta ho khotsofala.”

Tsoha! November

“Batho ba bang ba lumela hore Molimo ha a eo ka lebaka la lintho tse mpe tse etsoang ka lebitso la Molimo ’me ba na le maikutlo a hore ho ka be ho le monate lefatšeng hoja ha ho na bolumeli. Uena u re’ng? [Emela karabo.] Ke kōpa ho u bontša lebaka leo ka lona bolumeli ba bohata bo bakileng mahlomola. [Bala 2 Timothea 4:3, 4.] Makasine ena e bontša liphoso tse ling tsa tumelo ea hore Molimo ha a eo.”