Watchtower ONLINE LIBRARY

Sesotho (Lesotho)

mwb16 April leq. 3
Khothatsa ba Bang U be U ba Matlafatse ka Mantsoe a Bontšang Mosa

Bukana ea Seboka sa Bophelo ba Bokreste le Tšebeletso ea Rona—2016

mwb16 April leq. 3

MATLOTLO A TSOANG BIBELENG | JOBO 16-20

Khothatsa ba Bang U be U ba Matlafatse ka Mantsoe a Bontšang Mosa

Mantsoe a motho ea eletsang ba bang a lokela ho ba matlafatsa

Jobo o ne a hloka ho tšehetsoa le ho khothatsoa hobane o ne a nyahame a bile a utloile bohloko
Metsoalle ea Jobo e meraro ha ea ka ea mo tšelisa. Ho e-na le hoo, e ile ea mo qosa ’me ea mo sithabetsa le ho feta

Mantsoe a bohloko a Bildade a ile a sithabetsa Jobo

Jobo o ile a kōpa Molimo hore a mo lopolle boemong boo, le haeba a ka shoa
Jobo o ne a nahana ka tšepo ea hore o tla tsoha bafung ’me seo se ile sa mo thusa hore a tsoele pele a tšepahala

Elifaze o bua le Jobo ’me Bildade le Tsofare ba shebeletse

BAQOSI BA JOBO

Elifaze:

Mohlomong ha habo ke Temane naheng ea Edomo. Jeremia 49:7 e re Temane ke motse oa batho ba bohlale o naheng ea Edomo
Ho ka etsahala hore ebe Elifaze ke eena e moholo le ea nang le tšusumetso e matla har’a banna bana ba bararo ba etsang eka ba tšelisa Jobo ebile ke eena ea ileng a bua pele ho bona. O buile ka makhetlo a mararo, hape ke eena ea buileng nako e telele ho feta ba bang

Liqoso tsa bohata:

O ile a phoqa Jobo ka hore botšepehi ba hae ha bo mo tsoele molemo eaba o re Molimo ha a tšepe bahlanka ba hae (Job 4, 5)
O ile a re Jobo oa ikhohomosa ebile o khopo, a ba a re ha a tšabe Molimo (Job 15)
O ile a re Jobo o meharo le hore ha a na toka hape a re Molimo ha a nke batho e le ba bohlokoa (Job 22)

Bildade:

Oa leloko la Shua. E ka ’na eaba ha habo e ne e le pel’a Nōka ea Eufrate
Ke eena oa bobeli ea ileng a bua. Makhetlong a mararo ao a ileng a bua ka ’ona, ha aa ka a bua halelele joaloka Elifaze, empa mantsoe a hae a ne a hlaba ho feta a Elifaze

Liqoso tsa bohata:

O ile a re bara ba Jobo ba ne ba entse sebe kahoo tlokotsi e ba hlahetseng ea ba tšoanela a ba a re Jobo o furaletse Molimo (Job 8)
O ile a re Jobo o khopo (Job 18)
O ile a re ho tšepahala ha ho na thuso (Job 25)

Tsofare:

Ha habo ke Naama eo ho ka etsahalang hore e Arabia ka leboea-bophirimela
E ile ea e-ba eena oa boraro ea ileng a bua ’me mantsoe a hae a ne a hlaba ho feta a ba bang. O ile a bua ka makhetlo a mabeli feela

Liqoso tsa bohata:

O ile a re Jobo o bua lintho tse se nang thuso ’me a re a tlohele mekhoa ea hae e mebe (Job 11)
O ile a fana ka maikutlo a hore Jobo o khopo ebile o thabela ho etsa sebe (Job 20)